鳥海山鐵板燒 (已搬遷) 新店位置

呢間鐵板燒舖頭唔係處於大街，人流唔算多，所以都係住附近嘅人或者特登上網搵先至知道有呢間餐廳。平日先夜晚去，都已經full晒，要專登book位先食得到。麵豉湯同埋沙律都係正常發揮。主菜分別有比目魚，大蝦，同埋和牛。最後會有一碟炒椰菜同埋炒飯。大蝦非常新鮮，而且燒得好有水準，好香，蝦肉嘅肉質爽脆彈牙，調味亦都恰到好處，能夠帶出蝦肉嘅鮮味。另外就係和牛，煎到大概五成熟，配埋個炸蒜片一齊食，簡直係絕配，牛肉唔會乾柴，入邊仲充滿肉汁。另外炒飯亦都為之驚嘆，炒到粒粒分明，金黃色，剩係得雞蛋櫻花蝦同埋蔥花就已經好好食。