影片
更多
2019-10-13
901 瀏覽
適逢男朋友生日，當然要揀返間好餐廳慶祝一下🎂網遊左幾日終於有idea💡一於去試下我地都冇食過既正宗鐵板燒🥳一坐低我地就揀左個二人餐，侍應亦隨即端上沙律。沙律菜新鮮爽脆，芝麻醬略少但不影響整體感覺，兩片蓮莖口感特別，值得一試👍🏻侍應之後端上東風螺並解釋當日無蒸蛋，即刻失望左幾分鐘😫螺肉軟淋入味，大根無渣帶淡淡醬油味道。第一道菜係煎帶子。師傅習慣唔將食材煮得太熟，表面剛好煎到微微金黃色，中間仍然係半透明，咬入口時唔會覺得韌。先食右邊原味可食到帶子獨有既鮮味，之後再食左邊加左柚子胡椒醬既一半，味道又昇華左，胡椒味不重，加上柚子味確實令帶子既鮮味再往上提升。旁邊既雞冠藻沾上店家既醬汁也不錯👍🏻食緊帶子既同時師傅已拎出一個LC煲放於鐵板上準備炸魚。甘鯛魚既魚鱗炸過後非常鬆脆👍🏻👍🏻👍🏻雖然魚肉本身味淡，但底下既明太子忌廉汁味道有點過咸，令兩者冇好夾既感覺，如果醬汁稀少少，味淡返d 應該會更好。鮑魚用上新鮮南非九孔鮑魚，親眼睇住佢係鐵板上掙扎真係好唔忍心😣鮑魚肉質易咬，配上鮑魚肝醬味道更濃。當日用左本地龍蝦，師傅細心教路龍蝦要點樣放尿，估唔到黎食飯都有野袋落袋😆龍蝦肉彈牙，用上龍蝦頭刮出既龍蝦膏煎
一坐低我地就揀左個二人餐，侍應亦隨即端上沙律。
23 瀏覽
1 讚好
0 留言
沙律菜新鮮爽脆，芝麻醬略少但不影響整體感覺，兩片蓮莖口感特別，值得一試👍🏻
13 瀏覽
1 讚好
0 留言
侍應之後端上東風螺並解釋當日無蒸蛋，即刻失望左幾分鐘😫螺肉軟淋入味，大根無渣帶淡淡醬油味道。
11 瀏覽
1 讚好
0 留言
第一道菜係煎帶子。師傅習慣唔將食材煮得太熟，表面剛好煎到微微金黃色，中間仍然係半透明，咬入口時唔會覺得韌。先食右邊原味可食到帶子獨有既鮮味，之後再食左邊加左柚子胡椒醬既一半，味道又昇華左，胡椒味不重，加上柚子味確實令帶子既鮮味再往上提升。旁邊既雞冠藻沾上店家既醬汁也不錯👍🏻
11 瀏覽
1 讚好
0 留言
食緊帶子既同時師傅已拎出一個LC煲放於鐵板上準備炸魚。甘鯛魚既魚鱗炸過後非常鬆脆👍🏻👍🏻👍🏻雖然魚肉本身味淡，但底下既明太子忌廉汁味道有點過咸，令兩者冇好夾既感覺，如果醬汁稀少少，味淡返d 應該會更好。
17 瀏覽
1 讚好
0 留言
鮑魚用上新鮮南非九孔鮑魚，親眼睇住佢係鐵板上掙扎真係好唔忍心😣鮑魚肉質易咬，配上鮑魚肝醬味道更濃。
13 瀏覽
1 讚好
0 留言
當日用左本地龍蝦，師傅細心教路龍蝦要點樣放尿，估唔到黎食飯都有野袋落袋😆
5 瀏覽
2 讚好
0 留言
龍蝦肉彈牙，用上龍蝦頭刮出既龍蝦膏煎炒，再用火槍燒焦表面，一味龍蝦有齊視覺同味覺既享受。
4 瀏覽
1 讚好
0 留言
多士煎到好香好脆，鵝肝又厚又大塊，入口即溶。蘋果醋汁帶香濃蘋果清香味，對減油膩感起左非常大作用，無左呢個汁相信係食唔到成份鵝肝多士。
5 瀏覽
0 讚好
0 留言
日本和牛揀左五成熟，入口柔嫩，油香充斥住整個口腔。食到呢度已經90%飽，於是師傅就話飲左頭湯先，抖一陣再炒飯俾我地食～
4 瀏覽
1 讚好
0 留言
湯用左鱲魚同岩岩既龍蝦頭龍蝦殼去煲，飲落有頗重既薑味。
6 瀏覽
0 讚好
0 留言
炒飯用左頭先既和牛邊旁肥膏，洋蔥，甘荀，芝麻，九洲漬物高菜，更加入左沙律醬去炒。由於加入左沙律醬，炒飯額外多左一份油香和香甜，米飯粒粒分明。由於已加入高菜炒，師傅無加其他既調味，炒飯味道偏清淡，能清楚食到米飯甜味和油香。
2 瀏覽
0 讚好
0 留言
食完炒雜菜後就到甜品沙糖甜多士，溶左既白沙糖混合左牛油包住脆多士既表面，就算好飽都係會將一條又一條既多士不停往咀裹面送😛
最後食埋柚子雪葩，岩岩既牛油沙糖帶黎既罪惡感又瞬間瓦解...真係來回地獄又折返人間😂
望一望時間原來已經食左三個鐘😱一邊欣賞住師傅處理食材同純熟既手法，竟然唔覺自己已經坐左咁耐，唔通呢個就係鐵板燒既魔力？
張貼
