鳥海山鐵板燒 (已搬遷) 新店位置

長沙灣近年吸引咗唔少餐廳嚟開業，同時亦帶嚟咗唔同嘅美食。鳥海山係其中一間，步入店內，便被簡潔嘅裝潢所吸引。店內牆身有一幅江戶時代貼畫及幾幅日本畫像，有點像日式居酒屋，頗具風味。座位與座位之間有適當嘅距離，寬敞舒適。餐廳內設有數個鐵板位，而座位嘅設計係面向廚師，睇住即叫即製嘅過程，係味覺與視覺嘅享受。餐廳以日式鐡板燒為主打，不過亦有壽司、刺身、丼飯、清酒、飲品等供應，滿足唔同食客嘅要求。鵝肝多士鵝肝外層煎到金黃香脆，入口即溶，滿口油香，配搭多士，口感一流，味道相當唔錯！鐵板燒雞扒十分嫩滑，皮脆肉嫩，配上金蒜及燒汁，味道香濃惹味。鐵板燒牛仔骨牛仔骨入味，肉質食起來幾有牛味，肉質唔韌，搭配金蒜，別有一番風味。鐵板燒三文魚頭魚頭燒到好香口，魚肉相當肥美，魚脂豐富，但魚頭燒得稍為燶咗啲，好在唔影響味道。煙肉炒飯飯炒到粒粒分明，選用嘅日本米亦軟硬適中，加咗煙肉、雞蛋、櫻花蝦、香蔥一齊嚟炒，確實色香味俱全！但味道略嫌鹹左啲。整體配搭都有驚喜。季節蔬菜豆芽爽脆同鮮嫩，食落爽口，充滿牛油香。最後仲有甜品送，每人一粒雪米磁，滿足！