影片
更多
2017-04-25
252 瀏覽
今日去長沙灣上堂所以搵咗個住長沙灣嘅朋友一齊食lunch~聽咗裕一品四川雲南米線好多年喇…一直都冇試過…今次試試佢室內環境都算乾淨企理，最緊要係好闊落！牆身貼咗啲清晰易明嘅優惠！$10一個優惠小食～ $20下午茶餐有三餸麵同汽水～真係好抵！！簡直係慳家必選！！不過朋友話一場唻到一定要試吓呢度嘅鎮店三寶黑柏葉、墨魚頭、豬大腸咁我就試試佢啦~朋友叫咗碗清湯米線兩餸：豬大腸、竹笙（1/3 米線）即刻試吓朋友啲清湯，好鮮甜好好味，唔覺有味精！再膽粗粗試埋另一個朋友碗酸辣米線（小辣）嘅湯...嗰陣酸味係一飲即咳要即刻飲啖甜嘢舒緩番~再試埋佢個豬潤…略嫌煮得老咗少少～～到我嗰碗喇!!我叫咗麻辣湯底（8小辣）四餸：黑柏葉、墨魚頭、豬大腸、札肉其實我本身喺譚仔食開 4 小辣嘅～不過今次第一次試裕一品…所以我叫咗個8小辣試吓先~好少辣味同冇乜麻痺嘅感覺…下次可以食番勁d由細到大都鍾意食豬大腸嘅我…對豬大腸都好有要求…洗得乾唔乾淨我都好講究。裕一品嘅豬大腸入味又乾淨，肥瘦都適中，食完完全冇罪惡感！初初以為墨魚頭係圓形一大粒…原來好似魷魚咁～不過佢短d同粗d…食落好彈牙好有口感！最後就係黑柏葉！聽就聽得多，
聽咗裕一品四川雲南米線好多年喇…一直都冇試過…今次試試佢
室內環境都算乾淨企理，最緊要係好闊落！牆身貼咗啲清晰易明嘅優惠！
$10一個優惠小食～ $20下午茶餐有三餸麵同汽水～
真係好抵！！簡直係慳家必選！！
不過朋友話一場唻到一定要試吓呢度嘅鎮店三寶
黑柏葉、墨魚頭、豬大腸咁我就試試佢啦~
朋友叫咗碗清湯米線兩餸：豬大腸、竹笙（1/3 米線）即刻試吓朋友啲清湯，好鮮甜好好味，唔覺有味精！
再膽粗粗試埋另一個朋友碗酸辣米線（小辣）嘅湯...嗰陣酸味係一飲即咳要即刻飲啖甜嘢舒緩番~
再試埋佢個豬潤…略嫌煮得老咗少少～～
到我嗰碗喇!!我叫咗麻辣湯底（8小辣）四餸：黑柏葉、墨魚頭、豬大腸、札肉
其實我本身喺譚仔食開 4 小辣嘅～
不過今次第一次試裕一品…所以我叫咗個8小辣試吓先~
好少辣味同冇乜麻痺嘅感覺…下次可以食番勁d
由細到大都鍾意食豬大腸嘅我…
對豬大腸都好有要求…洗得乾唔乾淨我都好講究。
裕一品嘅豬大腸入味又乾淨，肥瘦都適中，食完完全冇罪惡感！
初初以為墨魚頭係圓形一大粒…原來好似魷魚咁～
不過佢短d同粗d…食落好彈牙好有口感！
最後就係黑柏葉！聽就聽得多，食就真係第一次！因為唔係周圍都有！
果然係好爽！夾起佢嗰陣已經覺得佢好有彈力！
真係同被漂白過嘅牛柏葉完全係兩回事！
札肉每塊3-5mm厚左右~厚啲梗係有口感啲!!味道ok!
其實碗米線已經好夠份量…但我地為食又叫咗三款正價小食
蒜泥白肉：整得唔太正宗…豬肉切得唔夠薄…肥瘦亦都唔均勻，同埋俾佢啲辣油呃咗!!
小朋友都食得~~~
新彊香草烤雞中翼
四川麻辣烤雞中翼即整熱辣辣！啲皮好脆~而且入面仲鎖得住啲肉汁！唔會烤到乾晒！
前者味道較濃，佢唔係鹹，係好重香料味，適合重口味人士。
後者微辣…咀唇有麻痺嘅感覺！好過癮！
其實仲有好多小食俾大家揀~以一間米線舖有咁多選擇同口味俾顧客揀…真係可以食唔嫌!!!
可以encore再encore
題外話/補充資料：
事後我仲叫daddy去街市買黑柏葉返去煮…
點知佢行混成個旺角都搵唔到賣黑柏葉嘅地方…
果然係好罕有！唔怪得佢係鎮店３寶之１！
(以上食評乃用戶個人意見 , 並不代表OpenRice之觀點。)
張貼
