影片
營業時間
今日營業
11:15 - 22:15
星期一至日
11:15 - 22:15
以上資料只供參考, 請與餐廳確認詳情
平日lunch會去食的其中一個選擇，午市時間都會見到好多學生光顧，就知道價錢有保證😬而家好少米線舖仲可以做到$5一個餸，而且選擇都好多，最貴果幾樣都係$10今次叫咗雞肉、腐皮同象拔蚌麻辣米線（中辣）你會留意到有客人落order時叫小辣，店員都會remind問下食過未，如果未食過會建議食5小辣🤫因為呢間米線佢嘅辣度都係比較辣，麻辣湯帶小麻味，食落去有種火辣辣嘅感覺，回辣幾勁，所以未食過可以由小開始，我就唔係第一次食，所以我已有心理準備，通常我都會叫返杯凍檸茶🫣雖然佢價錢平，但係份量一啲都唔少，我叫咗小米線，但嚟到都可以見到係成碗滿晒的～雞肉有小小碎，偏嚡身；象拔蚌係平時食米線會少見啲嘅選擇，切到一條條，容易咬有彈性；腐皮我就每次必叫，我鍾意佢係偏軟身，而且佢比得好大差方，係成疊咗咁比🫣厚過我銀包啲錢😂
繼續閱讀
叫了一个酸辣小鍋米線（中辣），來到碗米線是橙色，一吃只有辣無酸，原來酸就是给你幾片酸菜？餸是白灼一樣，無味，凍咖啡少甜同亞姨話可否加多少少冰，因叫了少甜好甜亞姨用一個不願的眼神無禮貌地收了我杯咖啡，既然甘不想做就回家休息啦！雖然$60不算什麼？但不想煮就不要煮到甘難吃？收錢老闆可能感覺自己態度無問題，好像來吃飯欠你們全部人一樣
繼續閱讀
講到好食嘅米線，都幾推介呢一間喺長沙灣既裕一品。分店不多，食咗咁多次都keep到水準。每次去到都必食，麻辣雞翼，豬潤，大腸👍🏻佢呢度仲有黑柏葉，墨魚頭，比較少米線舖頭有的。湯底多數會叫，酸辣湯底，同譚仔一樣都係10小辣開始。但係佢個清湯底都做得幾好，食完唔會覺得好口渴🤝另外都好推薦佢哋嘅其他小食：手帕青瓜，蒜泥白肉等。
繼續閱讀
自從上個禮拜食左次之後念念不忘 食上癮真係😂上次叫中辣覺得辣左d 今次叫小辣就啱啱好雖然食中辣係爽😂😂照舊叫左生竹 芝心丸 芝士腸 都係一樣咁好食下次試下其他餸先另外叫埋麻辣雞翼雞翼同米線比就遜色好多因為比較細隻 無乜肉 又燒得太乾 完全唔juicy麻辣米線黎講我覺得裕一品比譚仔出色但一講到雞翼 譚仔就真係贏九條街譚仔雞翼大隻好多又唔會太乾下次食裕一品都係專心食返米線算話說原來過左幾年疫情裕一品全港得返長沙灣同筲箕灣兩間分店有排葵涌返工成日食佢 原來葵涌分店已經執左好耐希望長沙灣呢間長做長有啦因為麻辣湯底真心掂唔洗成日淨係得譚仔😂
繼續閱讀
長沙灣有一間雲南米線店叫裕一品，呢度既麻辣湯底，好似譚仔或三哥，但我覺得味道更加多層次，而且相對唔會咁刺激。或者你地以為裕一品係跟隨譚仔口味就錯了。如果你生活喺深水埗附近，就會知道呢間米線店比譚仔開得早，而且可以話係元祖雲南米線店之一。至於餸菜，雞肉相對比較碎，但唔會有雪味同腥味。如果你想試下啲特別嘅餸菜，墨魚頭絕對係我推介。首先，米線店相對比較少有墨魚頭，而且只係加7蚊，相當超值。如果你覺得米線唔夠飽，裕一品都有售賣燒烤，而且係平靚正。我首推燒豬仔脾，即叫即燒又大份，叫埋麻辣仲惹味。另外，呢間米線店價錢上非常抵，食兩餸都唔洗40蚊落樓，仲要連埋凍飲，所以你會見到唔少街坊或學生都黎幫襯。如果你鐘意食譚仔或三哥米線，就一定唔可以錯過裕一品啦！
繼續閱讀
您可能會有興趣的...