影片
更多
2025-02-03
38 瀏覽
好鍾意食餃子，呢間嘢好似越開越多分店，咁啱經過就試吓佢。Lunch餃子加麵食嘅套餐，$53唔包嘢飲，都算係咁。嗌咗個薺菜鮮肉餃10粒再加網紅混醬乾撈麵。鮮肉餃方面，每一粒啲餡都好多，好驚出街食啲餃子餡會撈埋好多肥豬肉，但係佢冇，反而比較乾身，食落口感好實淨。 混醬撈麵份量都唔少，醬料非常多，特別係芝麻醬。每一條麵都可以索滿醬汁，原本係好事嚟嘅，開頭係覺得好好食嘅，但食多幾啖就會覺得全兜面都好乾身，漿住喉嚨😂同埋啲芝麻醬太多，好快就好滯，盡量食都剩低三份一食唔晒⋯現場見到好多姐姐即時包餃子雲吞，即包即煮，都幾新鮮。仲有幾個客係買生雲吞返屋企煮，有回頭客，應該都唔會太差。可能係我今次咁啱揀錯嘢食啫。隔籬枱啲人話酸辣湯好食，下次試吓🤔
Lunch餃子加麵食嘅套餐，$53唔包嘢飲，都算係咁。
嗌咗個薺菜鮮肉餃10粒再加網紅混醬乾撈麵。鮮肉餃方面，每一粒啲餡都好多，好驚出街食啲餃子餡會撈埋好多肥豬肉，但係佢冇，反而比較乾身，食落口感好實淨。
混醬撈麵份量都唔少，醬料非常多，特別係芝麻醬。每一條麵都可以索滿醬汁，原本係好事嚟嘅，開頭係覺得好好食嘅，但食多幾啖就會覺得全兜面都好乾身，漿住喉嚨😂同埋啲芝麻醬太多，好快就好滯，盡量食都剩低三份一食唔晒⋯
現場見到好多姐姐即時包餃子雲吞，即包即煮，都幾新鮮。仲有幾個客係買生雲吞返屋企煮，有回頭客，應該都唔會太差。可能係我今次咁啱揀錯嘢食啫。隔籬枱啲人話酸辣湯好食，下次試吓🤔
薺菜鮮肉餃
$53
7 瀏覽
0 讚好
0 留言
張貼
