Crêpe Delicious (MOKO新世紀廣場) (已搬遷) 新店位置

自細對所有類型、所有「國籍」Pancake情有獨鍾，呢日約咗閨蜜去食法式薄餅Crepe，之所以揀呢間，係因為之前另一好友食過灣仔分店後讚不絕口！🍓安格斯肉眼扒配薯條/焗薯仔/薯蓉 HK$218 肉眼扒賣相相當吸引，連用嚟調味嘅海鹽薄片望落去都好好味。牛扒切開見紅，呈六成熟（唔肯定），味道濃郁、口感嫩滑且沒有羶味。店家有肉汁畀客人配牛扒食，但本人覺得點海鹽已足夠，咁先食到牛扒原味，兼冇咁肥。薯條好似成座山咁高咁多，仲好好味，正！唯一美中不足係塊扒多咗少少肥膏，減肥嘅女士見到可能會驚驚。🍓芝味三文魚可麗餅 HK$ 128佢塊薄餅做得好好，厚薄適中、有彈性兼有嚼勁、餅皮嘅甜味唔過龍又唔會漏，好難得！材料好豐富，有酸豆、煙三文魚、牛油果、紅蔥、菠菜、忌廉芝士同Mozzarella Cheese，全部味夾埋一齊超夾。🍓芒果藜麥沙律 HK$108 呢味堪稱全晚最失望，羽衣甘藍好苦 （我本身都唔鍾意食）、仲有啲腥，我同閨蜜研究過應該同個青檸乳酪醬汁有關。其實個醬汁係好味嘅，仲好夠健康，但就因為太Light，所以遮蓋唔到羽衣甘藍嘅缺點。