冬蔭牛牛

營業中

休息中

最近同朋友去咗元朗錦田嘅『冬蔭牛牛』食晚飯，呢間餐廳主打泰式菜，環境非常舒服，成間店用咗好多木系裝修，感覺好自然，有種度假feel。最正係門口仲有免費泊車位，對開車嚟嘅人超方便！ 🔶青咖喱牛肉：講返食物，佢哋嘅**青咖喱牛肉**真係一絕！咖喱汁好香濃，帶少少辣但唔會太刺激，牛肉夠淋身，配埋白飯真係一流。但我地另外加配左薄餅配咖喱食，我都好推薦呢！餅底薄而脆，鹹甜恰到好處，再沾埋咖喱汁食，真係好match!! 👍🔶冬蔭公炒飯：再嚟就係冬蔭公炒飯，呢道菜香味十足，炒飯粒粒分明，冬蔭公味道唔會過重，仲有啲蝦肉同椰漿香氣，食到最後都唔會覺得膩。🔶鹽燒烏頭最後唔可以錯過嘅係*鹽燒烏頭*，魚皮燒到脆卜卜，肉質鮮嫩，鹽味啱啱好，係一道簡單但非常講求火喉嘅好菜！🔶青檸梳打每次食泰國野我都鍾意叫青檸梳打飲，酸酸地配埋梳打既味道，係我杯茶😆食完每張台仲送埋甜品添！總括嚟講，『冬蔭牛牛』無論係環境定食物質素都值得一試，最啱一班friend或者一家大細嚟慢慢嘆，記得早啲去，泊車位有限！