影片
更多
2010-09-14
158 瀏覽
老媽子生日出去食飯慶祝，等佢煮少餐。之前佢帶過我嚟，知佢鍾意依間，所以重遊舊地。依間鋪面面積算細，得6張細圓枱(4~6人)及2張大圓枱(10~12人)，7點半嚟可能要等位，8點後嚟就一定要等位，當然可以外賣，但通常都有兩三個等緊外賣。一行五人7點半到，好彩唔等就有位，斟茶嘅就斟茶，主角當然負責揀食咩啦，總共嗌咗五個餸同個粉麵： 海蜇炒三絲 - 全晚最遜色的一碟！海蜇唔多，三絲(火腿絲、芽菜絲、魷魚絲)仲多過佢，喧賓奪主，依道菜應該改名 -> 三絲炒海蜇！但味道就ok。 煎蠔餅 - 今次廚房煎得過火得滯，攪到蠔餅深色咗，女朋友就怕熱氣(但照食，仲食幾多)，我就覺得咁先正，脆口好多，加上調味十足，所以無加魚露都好味！ 炸春卷 - 酒樓係以蘿蔔絲、西芹絲、冬菇絲等作內容，但這裡係以芋頭蓉作內容，小弟對芋頭唔感大興趣，起碼食落唔係成口油，炸得好乾身。芋頭精嘅老媽子就食得津津有味，應該值得一試！ 麻辣鴨舌 - 係廚師推介。果然不同凡響。以細碟上枱，數目都有起碼廿隻，無兩條鬚，係一嗒過嘅鴨舌。頭嗰幾隻唔係特別麻辣，但已經入晒味，好食。食到碟底嗰幾隻，因為被D辣油浸住，所以更加入味，並且真係
一行五人7點半到，好彩唔等就有位，斟茶嘅就斟茶，主角當然負責揀食咩啦，總共嗌咗五個餸同個粉麵：
海蜇炒三絲 - 全晚最遜色的一碟！海蜇唔多，三絲(火腿絲、芽菜絲、魷魚絲)仲多過佢，喧賓奪主，依道菜應該改名 -> 三絲炒海蜇！但味道就ok。
煎蠔餅 - 今次廚房煎得過火得滯，攪到蠔餅深色咗，女朋友就怕熱氣(但照食，仲食幾多)，我就覺得咁先正，脆口好多，加上調味十足，所以無加魚露都好味！
炸春卷 - 酒樓係以蘿蔔絲、西芹絲、冬菇絲等作內容，但這裡係以芋頭蓉作內容，小弟對芋頭唔感大興趣，起碼食落唔係成口油，炸得好乾身。芋頭精嘅老媽子就食得津津有味，應該值得一試！
麻辣鴨舌 - 係廚師推介。果然不同凡響。以細碟上枱，數目都有起碼廿隻，無兩條鬚，係一嗒過嘅鴨舌。頭嗰幾隻唔係特別麻辣，但已經入晒味，好食。食到碟底嗰幾隻，因為被D辣油浸住，所以更加入味，並且真係食到D麻辣嘅味道，超過癮！
鹵水鵝片 - 鵝片切得夠薄，夠瘦，唔會有層肥膏影響食慾，所以食完唔會有驚肥嘅罪惡感！上枱時會再加D鹵水汁，將件鵝片反轉再反轉，額外的入味，美味非常，墊底又有起碼一磚嘅豆腐，無械可擊！淨鵝片就已經可以食兩碗飯！
潮州炒麵 - 同酒樓的炒麵用料差唔多，都係芽菜、火腿，多咗魷魚同蝦，最唔同嘅係個麵嘅做法，酒樓會以炸嘅方法，麵就會脆身為主，依個麵就唔係炸，應該係炒，所以會保存麵嘅爽口，仲食到少少麵嘅鹼水味(唔錯gei，放心！)，幾特別！
沙嗲炒河 - 上枱未食已經聞到超野味，做法應該唔係整熟河粉然後落沙嗲，佢係將河粉炒幾炒，然後加蛋再炒幾嘢，跟住就炒沙嗲牛肉，再落多幾條芥蘭(唔只一兩條)，淋落河粉面，所以食落明顯整個都有鑊氣，好match，只係牛肉落咗鬆肉粉，少少扣分！一人一碟就會飽晒！
人流多嘅原因係佢哋收碗收得快(唔係嗰D仲有就收嗰隻，係有禮貌咁問"唔要喇"先收)，然後會叫出面等位嘅客人準備入嚟，所以食完唔可以坐太耐就要走(好事gei，叫你可以行下消化下)。記住要帶夠cash找數，因為佢哋係唔收credit card!!
張貼