影片
更多
2025-05-12
761 瀏覽
鋒哥廚房兩個大胃王在屯門收工，要擦餐勁嘅，所以去咗鋒哥廚房抵食同啱食缺一不可，麻辣雞煲，刺身，牛肉，海鮮都係任食，最特別嘅係有16款生啤飲斟任飲，好正！首先椰子雞煲或者烤魚二選一，我哋選擇咗椰子雞煲，有椰青水嘅湯，煲雞零舍幼滑，就算煲耐咗都唔會韌，食完雞再飲啖雞湯，非常鮮甜滋補食緊雞煲嘅時候，店員奉上刺身同埋燒物，刺身每一晚有三四款左右，但係任食都已經好夠，燒物就有串燒同埋蒜蓉燒蠔，串燒嘅醬汁非常惹味，唔怕肥嘅話，一定要食燒腩片，配合醬汁係一絕，樣樣都任食，大胃王都未必負荷得來，哈哈！海鮮區將啲海鮮排得整整齊齊，碟嘅位置亦都放得適中，蝦蟹帶子貴妃蚌聖子花甲九肚魚鯇魚頭都係任食，我哋兩個大胃王都冇數過食咗幾多碟，樣樣都係咁新鮮！海鮮區隔離就係火鍋配料區，丸類菇類蔬菜類粉絲，腐竹牛柏葉鮮魷芋絲蓮藕芽菜，樣樣都係好嘢，係大胃王真係要嚟挑戰一下牛肉係兩款，安格斯牛頸脊同埋A5薩摩牛大米龍，前者肉味濃，後者油花香，兩款都係咁好食，又爆偈咁樣喪食咗好多碟，順帶一提呢度嘅店員服務態度一流，非常有禮貌，見到枱面食完嘅碟，自動自覺嚟清理，問我哋會唔會再加，完全跟到我哋食嘢嘅進度，欣賞！至於16款任飲生啤
兩個大胃王在屯門收工，要擦餐勁嘅，所以去咗鋒哥廚房
抵食同啱食缺一不可，麻辣雞煲，刺身，牛肉，海鮮都係任食，最特別嘅係有16款生啤飲斟任飲，好正！
首先椰子雞煲或者烤魚二選一，我哋選擇咗椰子雞煲，有椰青水嘅湯，煲雞零舍幼滑，就算煲耐咗都唔會韌，食完雞再飲啖雞湯，非常鮮甜滋補
食緊雞煲嘅時候，店員奉上刺身同埋燒物，刺身每一晚有三四款左右，但係任食都已經好夠，燒物就有串燒同埋蒜蓉燒蠔，串燒嘅醬汁非常惹味，唔怕肥嘅話，一定要食燒腩片，配合醬汁係一絕，樣樣都任食，大胃王都未必負荷得來，哈哈！
海鮮區將啲海鮮排得整整齊齊，碟嘅位置亦都放得適中，蝦蟹帶子貴妃蚌聖子花甲九肚魚鯇魚頭都係任食，我哋兩個大胃王都冇數過食咗幾多碟，樣樣都係咁新鮮！海鮮區隔離就係火鍋配料區，丸類菇類蔬菜類粉絲，腐竹牛柏葉鮮魷芋絲蓮藕芽菜，樣樣都係好嘢，係大胃王真係要嚟挑戰一下
牛肉係兩款，安格斯牛頸脊同埋A5薩摩牛大米龍，前者肉味濃，後者油花香，兩款都係咁好食，又爆偈咁樣喪食咗好多碟，順帶一提呢度嘅店員服務態度一流，非常有禮貌，見到枱面食完嘅碟，自動自覺嚟清理，問我哋會唔會再加，完全跟到我哋食嘢嘅進度，欣賞！
至於16款任飲生啤，咩味道都有，麥味重，果味濃，黑啤等全部都有，最重要嘅係雪櫃已經擺咗冰杯，呢個係完全貼心嘅服務！其實除咗啤酒所有飲品都係任飲㗎，但係啲啤酒咁正，淨飲啤酒都已經夠晒！
兩個半小時， $378 ，真係咩本都返晒，如果你係頂級大胃王，建議你可以挑戰$468任食6小時，真係抵到爛！
正所謂：
鋒哥廚房美食多
服務態度要認可
冰杯啤酒配火鍋
任飲任食笑呵呵
張貼
