影片
以上資料只供參考, 請與餐廳確認詳情
今晚肥妹仔約咗男朋友喺屯門度打邊爐，食雞煲同烤魚。峰哥廚房不嬲都人頭湧湧，因為佢嘅性價比超高，一個價錢可以食足三樣嘢，而且質素仲要非常高添！去到肥妹仔首先叫咗一個微辣嘅烤魚，條魚好大條，外皮炸到酥脆，然後再浸濃郁嘅湯底。配料有薯粉，芽菜，蘿蔔土豆片，非常之豐富。魚肉肉質實，喺高質！食完烤魚之後，我哋再叫咗一個微辣嘅雞煲。雞係超級新鮮嘅雞，咬落去爽口彈牙，我哋雖然叫咗微辣，但係其實都好辣，所以鍾意食辣嘅朋友一定要嚟試，非常之惹味！之後就到咗肥妹期待已久嘅打邊爐環節，肥妹仔叫咗個芫荽皮蛋湯底，未打邊爐之前飲咗一啖湯，真係好清新嘅芫荽味，係平時飲湯嗰一隻，好好飲。而佢嘅牛係超級高質素，有日本和牛同埋澳洲和牛食。我夠膽講佢嘅牛肉係完全贏晒其他連鎖牛肉打邊爐店，鍾意食牛嘅朋友嚟呢度食多幾轉一定回本！最癲嘅係除咗佢嘅牛肉非常高質，佢就有任食海鮮，有蝦，蟹，鮑魚，蟶子，元貝，沙白，你講得出嘅佢都有提供，仲要係任食！肥妹仔同男朋友食咗好幾轉鮑魚同埋蟶子，完全冇沙，吐得非常之乾淨，蝦肉爽口彈牙，另外仲有魚食。鍾意食海鮮嘅朋友唔理係你損失！嘢飲同埋雪糕係超級多款選擇，仲要係M字頭雪糕無限食，肥妹仔覺得以$400一位可以食咁多，真係好感動，大家一定要嚟食！
繼續閱讀
同朋友去試了一間新開的火鍋放題，多款任食，包括海鮮、雞煲、刺身及串燒等，仲有14款生啤任飲，又鮮又好食，同大家分享一下💖。🦐海鮮雞煲烤魚火鍋🥘呢個餐都幾豐富，先烤魚，後雞煲，再火鍋，一次滿足你多個願望😍最啱我呢啲心大心細嘅人。✨雞煲✨雞件量多大件，本身已有八、九成熟，中火煮4至5分鐘起煙就食得。醬汁香濃，啖啖肉，鳳爪脹卜卜，豆卜吸滿汁，非常惹味。✨刺身✨ 多款刺身任食，三文魚，赤貝，北寄貝，馬刀貝全部大大塊。三文魚肥美厚切，貝類甘甜飽滿。✨串燒✨多款烤串 任點任食，🐮🐷🐔牛豬雞都有，沙嗲汁香濃好味，燒汁微甜開胃。✨火鍋✨店家提供安格斯牛頸脊及日本薩摩牛大米籠，全部優質靚牛，仲要無限追加，食幾盤已大大回本‼️牛頸脊顏色鮮艷，食落牛味濃且滑嫩。日本薩摩牛大米籠油花爆靚，食落油脂香且豐盈，十分高質。除靚肉，仲有大量海鮮任食，整整齊齊任夾唔嬲😍。🦀蟹有兩種，三點蟹勁鮮又爆膏；🦐鮮蝦非常大隻，🐚螺肉口感爽脆。仲有拳頭一樣咁大的花甲、蟶子及鮑🐟，無比鮮甜。✨ 14款生啤/黑啤無限任飲✨多款不同啤酒任飯，看得人眼花撩亂，心花怒放🥰。我飲了好多款，令我難忘的是桃味生啤🍑，非常香甜。✨甜品✨多款Mövenpick及dryers雪糕任食，超爆開心🤩🤩室內有多間房間，他們也有户外牌照，坐室外也完全沒有問題，難怪人氣十足😍想食的朋友，記得訂位啊。想睇更多介紹，馬上Follow我啦😁。#火鍋 #海鮮任食 #big_big_foodie #big_big_foodie食勻屯門
繼續閱讀
屯門麒麟徑一帶，有間峰哥廚房除咗大排檔熱炒，我地今次揀左麻辣烤魚＆海鮮火鍋任食，勝在性價比高。火鍋放題三步曲 ，1）揀左麻辣烤魚 / 酸菜魚2）雞煲無限添 3）海鮮火鍋+ 日本薩摩牛+串燒+刺身任叫任食，仲有飲品+生啤+雪糕放題。一坐底，侍應問我地想食邊樣先。揀左食麻辣原條烤魚, 姐姐話係佢地自家調配味道，與別不同。辣度可以選，我地簡左BB辣，一啖入口有微微辣味，魚肉完全無泥味，之後就係輕輕麻辣的餘韻之後就到雞煲，自己炒4分鐘岩岩好，唔會怕Overcook。雞腿肉、雞翼，啖啖肉。可以自己出去再拎D芫茜、粉條，萵筍同蓮藕，吸收個辣雞汁，相當惹味。火鍋特色就係海鮮任食！海鮮自助拎。當日有三點蟹、鮑魚、蟶子、九肚魚、花螺、 花甲、魚頭、魚腩件、黃金蜆、海蝦，大慨有十餘款海鮮，鮑魚蟶子海蝦貴妃蚌新鮮，彈牙鮮甜，我地都encore左一轉。蔬菜、丸類、雞子、響鈴、魚皮等火鍋配料，就是自助區拎。一個刺身拼盤，有齊四樣嘢。三文魚刺身～肥美、厚切！ 仲有 赤貝, 北寄貝, 白鳥貝，爽口彈牙冇腥味，刺身又夠凍。牛肉 有兩款(安格斯牛頸脊同A5蕯摩牛)牛頸脊肉味濃，而我更鍾意A5蕯摩牛，多汁柔軟，肉汁豐富，油脂均勻分布，口感滑順不乾柴。串燒 有豬腩肉，牛肉和雞肉三款，正常操作。飲品都係任飲，鍾意食住雞煲+飲啤酒的朋友，根本就係天堂。高質生啤有10多款，特別有一款係原裝進口 日本Asahi黑生啤。大支裝啤酒有仲有本地品牌「少爺啤」。唔飲啤酒，仲有其他罐裝嘢飲，例如韓國Lotte、台灣得米、加多寶、紙包果汁等，一樣飲得盡情。雪糕櫃度有好多款，雪條、甜筒、雪米糍 dreyer's 雪糕杯、最正是Mövenpick 既雪糕，一次食左 雲呢拿、cream brulee同薄荷朱古力 三種口味。個場都好full 好在book左位先。一路都有人入嚟食，除左食放題打邊爐， 亦都有幾枱來食大排檔小炒。 相信佢小炒都有一定水準。
繼續閱讀
與朋友慶生，要找個地方能夠坐得舒適，談天說地，吃放題最適合。朋友提議鋒哥廚房有海鮮放題，還有多款生啤黑啤任飲，這晚就來玩一晚吧！原來這裏地方好大！七時半來到，見到門外已坐了幾枱客了，裏面非常多座位，也有大、小包廂，人多來開party都可！食物自助區取海鮮、刺身、飲品，還有大家最期待的生啤、黑啤任飲，串燒、火鍋牛肉，可以下單即點即製，雪糕有movenpick！$378每位，加一服務費，任飲任食2.5小時，看到自助區已經很興奮！刺身先來開開胃，所有刺身都是在自助區即場切的，三文魚、北寄貝是我最喜歡的刺身，北寄貝超鮮甜，三文魚油脂分佈均勻，入口充滿油香。火鍋放題包括有烤魚、雞煲、火鍋任吃，能吃的話絕對吃回本。我們先吃酸菜魚，這一鍋絕對足料，味道比得上川菜餐廳，夠麻又夠酸辣，很香濃，連湯也喝了幾口。魚片新鮮嫩滑份量也多，還有酸菜、芽菜、枝竹等配料，非常有味道。大家心急想吃海鮮，就不吃雞煲了，直接進入火鍋階段。點了芫茜皮蛋湯底，大家已經把一盤盤海鮮取來了。見到海鮮自助區的廚師，整晚不停的開海鮮，辛苦了！我們有新鮮海鮮吃真的太興奮！蟶子大大隻，白灼一下已經非常鮮甜。喜歡蜆用個小籃子盛著，可以直接放在鍋裏煮，這樣蜆殼打開後，蜆肉可以輕易夾出來吃。大蝦隻隻爽口，煮在湯裏令湯味更鮮甜。還有奄仔蟹、沙白、九肚魚、鮑魚、扇貝等等，只要新鮮，不用點醬油都很好味。其他火鍋配料如蔬菜類、丸類，該有的都有，煮完海鮮後，最好就是煮菜，響鈴、炸魚皮、金菇、芋絲等吸收湯味都不錯，吃火鍋的精華！我們喝啤酒再點串燒，真的樂而忘返。這裏的啤酒款式有16款之多，其中Asahi 的生啤是這裏獨家， Hoegaarden、1664、Erdinger黑啤最受歡迎。各式串燒，豬牛雞肉都有，我們最喜歡大蔥雞肉串，沙爹醬汁非常香口，佐酒佳品。這裏食物選擇實在太多，不能盡錄，啤酒款式多得喝不完，試過就明白為何這個海鮮啤酒放題這麼受歡迎，十分適合朋友聚會，一定會再來。
繼續閱讀
雞煲香辣雞煲的味道辛香撲鼻，雞肉鮮嫩多汁，搭配各種香料和辣椒，風味獨特，醬汁濃郁，帶有微微的麻辣感，刺激味蕾，雞肉的鮮美，食完雞煲加清湯再打邊爐刺身三文魚，北寄貝，三文魚刺身味道鮮美且細膩，肉質滑嫩，入口即化，肥美甘香，北寄貝的味道鮮甜，肉質緊實富有彈性燒生蠔味道鮮美濃郁，肉質嫩滑，經過燒烤後，外皮微微焦脆，內部則保持多汁，散發著香氣，表面加了蒜蓉，入口很濃的蒜香和蠔香串燒有多款選擇，雞肉，豬肉，五花腩打邊爐配料有豚肉，安格斯牛肉，海鮮鮑魚，蟶子王，青蟹，海鮮非常新鮮，青蟹肥美，蟹膏甘香，蟹肉鮮甜，鮑魚很腍，聖子王新鮮爽甜，安格斯牛肉入口濃郁牛味，脂肪甘香，紋理均勻，入口即化，豚肉有口感爽脆，還有很多海鮮選擇，種類非常多
繼續閱讀