影片
更多
2025-01-28
1184 瀏覽
於繁忙鬧市又想輕鬆歎美食，不妨考慮銅鑼灣Fashion Walk嘅Eggslut，地點方便，二樓座位可以俯瞰商場同街道人來人往嘅景色。枱椅之間空間尚算闊落，一張簡單嘅餐牌有好幾款特色漢堡，三兩好友聚餐或一個人簡單歎杯飲品食個signature SLUT都不錯。今次叫咗兩款漢堡同一個小食：1. Duo Fish Sandwich ($92)入面有炸比目魚、蛋白三文魚醬、芝士、醃青瓜同自家製奶油麵包。香脆嘅炸魚加上鬆軟嘅Brioche Bun真係好夾！味道鮮鹹嘅三文魚醬亦加強咗炸比目魚嘅風味，呢個醬汁可以話為漢堡加咗唔少分。芝士同酸瓜默默地做好配角嘅角色，所以整體唔會覺得膩。 2. Bacon, Egg & Cheese Sandwich ($78)入面有非常crispy嘅蘋果木燻煙肉、流心嘅半熟蛋、辣椒蕃茄醬、車打芝士等（個人覺得個醬唔辣可以放心叫）。簡單而又經典嘅配搭永遠都唔會出錯！3. Crispy Chicken Bites with Cajun Dip ($40)雞肉粒外層金黃酥脆內裡紥實唔會過乾，配埋帶有微微辣味嘅Cajun Dip，小食嚟講都幾惹味。醬有三款可以揀Blue C
於繁忙鬧市又想輕鬆歎美食，不妨考慮銅鑼灣Fashion Walk嘅Eggslut，地點方便，二樓座位可以俯瞰商場同街道人來人往嘅景色。枱椅之間空間尚算闊落，一張簡單嘅餐牌有好幾款特色漢堡，三兩好友聚餐或一個人簡單歎杯飲品食個signature SLUT都不錯。
今次叫咗兩款漢堡同一個小食：
1. Duo Fish Sandwich ($92)
入面有炸比目魚、蛋白三文魚醬、芝士、醃青瓜同自家製奶油麵包。香脆嘅炸魚加上鬆軟嘅Brioche Bun真係好夾！味道鮮鹹嘅三文魚醬亦加強咗炸比目魚嘅風味，呢個醬汁可以話為漢堡加咗唔少分。芝士同酸瓜默默地做好配角嘅角色，所以整體唔會覺得膩。
2. Bacon, Egg & Cheese Sandwich ($78)
入面有非常crispy嘅蘋果木燻煙肉、流心嘅半熟蛋、辣椒蕃茄醬、車打芝士等（個人覺得個醬唔辣可以放心叫）。簡單而又經典嘅配搭永遠都唔會出錯！
3. Crispy Chicken Bites with Cajun Dip ($40)
雞肉粒外層金黃酥脆內裡紥實唔會過乾，配埋帶有微微辣味嘅Cajun Dip，小食嚟講都幾惹味。醬有三款可以揀Blue Cheese Ranch、Cajun Dip、Super Garlic ，強烈推薦試下Cajun Dip。
。
4. Yuzu Soda ($28)
柚子梳打清新又解膩，酸甜味道剛剛好，氣泡感十足，非常適合搭配味道較濃郁嘅三文治。
。
5. Pineapple Soda ($28)
菠蘿梳打清爽得嚟甜度適中，入面都幾多果肉。
總結：
Eggslut 食品質素有保證，服務快捷，忙碌中想搵個地方歎返餐簡單又好味嘅漢堡／小食，呢度就啱哂。
張貼
