宮崎肉本舖 (已結業)

仲未有得去日本，今次豪少少試下宮崎肉本舖，貪佢所有食材全日本直送，當中宮崎A5桜花牛仲係自家農場養殖，聽到都覺得吸引！🤩呢款放題好豐富，除咗A5桜花牛外，仲有鹿兒島黑豚、地雞、海鮮及蔬菜等，多款單品超過60款！先講主菜，有10款不同部位：五花腩、牛肋肉、肩口肉、肩里肌、內後腿肉、外後腿肉(呢6款可以任食)，另外肉眼扒、壽喜燒、和尚頭、前腿肉(呢4款只上一次)；望落去都見到雪花好靚，油脂豐富，尤其最愛大大塊西冷肉眼扒🤤 會有店員代勞燒好，保證唔會嘥咗塊肉🤭 肉質嫩滑、食落入口即溶👍🏻👍🏻因為日本直送，我就即管試吓平時只會在日本食嘅雞冠，識落非常爽口，似雞軟骨，但雞味更香濃，非常驚喜！另外蟹味噌甲羅燒同牛內臟，燒起來都好好味；小食方面，吉列廣島蠔同幾款沙律都唔錯～ 最後食埋柚子雪葩就大滿足了❤️