權八居酒屋 (利園二期)

營業中

休息中

Gonpachi (Lee Garden Two)

4.5

4.5

29 食評

味道

環境

服務

衛生

抵食

|

7404

銅鑼灣

$201-400

日本菜壽司/刺身串燒居酒屋

22

2

2

FeivouriteFood

等級4

197

7

呢間餐廳想食好耐，因為之前女朋友介紹佢入邊嘅日本酒，好啱我口味，今次終於有機會去佢哋新嘅銅鑼灣分店，而且佢哋尖沙咀都一樣開咗新嘅旗艦店。權八居酒屋係一間來自日本嘅居酒屋，以傳統江戶時代居酒屋風味聞名，喺一間連前日本首相小泉純一郎都鍾意嘅日本居酒屋。主打串燒、蕎麥麵、新鮮刺身同壽司等傳統日式料理，以日本備長炭燒烤，加上時令季節食物，打造精緻巧手既日本料理。銅鑼灣分店喺2013年進駐，喺今年二月搬到去新嘅利園二期店舖。餐廳入邊有燒烤賞酒亭、天婦羅吧，係特大玻璃窗既蕎麥麵製作室可以欣賞廚師製作蕎麥麵既過程。銅鑼灣新店入到去首先係日式庭園嘅設計，用上竹林、砂石、小盆栽等元素，夜晚客人仲可以喺度happy hour，餐廳佔7000平方尺，有240個座位。入邊裝修古樸雅緻，用上天然木材同埋磚瓦，加上朱紅同埋深啡色嘅木材，令人有置身喺舊江戶時代嘅感覺，雅座夠晒和風。餐廳入邊仲有私隱度比較高嘅榻榻米座區，另外一邊係西式餐桌。-刺身 1️⃣ 精選刺身拼盤 (5種) 💰568（👅: 8/10）當日嘅刺身有帆立貝、牡丹蝦、金目鯛、油甘魚、拖羅。帆立貝厚切，咬落爽口，食落清爽；牡丹蝦食落鮮甜；金目鯛魚味濃郁；油

更多

呢間餐廳想食好耐，因為之前女朋友介紹佢入邊嘅日本酒，好啱我口味，今次終於有機會去佢哋新嘅銅鑼灣分店，而且佢哋尖沙咀都一樣開咗新嘅旗艦店。

權八居酒屋係一間來自日本嘅居酒屋，以傳統江戶時代居酒屋風味聞名，喺一間連前日本首相小泉純一郎都鍾意嘅日本居酒屋。主打串燒、蕎麥麵、新鮮刺身同壽司等傳統日式料理，以日本備長炭燒烤，加上時令季節食物，打造精緻巧手既日本料理。銅鑼灣分店喺2013年進駐，喺今年二月搬到去新嘅利園二期店舖。餐廳入邊有燒烤賞酒亭、天婦羅吧，係特大玻璃窗既蕎麥麵製作室可以欣賞廚師製作蕎麥麵既過程。

銅鑼灣新店入到去首先係日式庭園嘅設計，用上竹林、砂石、小盆栽等元素，夜晚客人仲可以喺度happy hour，餐廳佔7000平方尺，有240個座位。

入邊裝修古樸雅緻，用上天然木材同埋磚瓦，加上朱紅同埋深啡色嘅木材，令人有置身喺舊江戶時代嘅感覺，雅座夠晒和風。餐廳入邊仲有私隱度比較高嘅榻榻米座區，另外一邊係西式餐桌。

-
刺身
1️⃣ 精選刺身拼盤 (5種) 💰568（👅: 8/10）

精選刺身拼盤 (5種)

當日嘅刺身有帆立貝、牡丹蝦、金目鯛、油甘魚、拖羅。

帆立貝厚切，咬落爽口，食落清爽；牡丹蝦食落鮮甜；金目鯛魚味濃郁；油甘魚入口腍中帶爽，食落魚味甘濃，帶魚油；拖羅入口綿滑，油花滿滿。
-
前菜
1️⃣ 炭燒雞泡魚乾 💰98（👅: 8.25/10）

炭燒雞泡魚乾

雞泡魚乾夠薄身，咬落鬆化，係佐酒小食。
-
2️⃣ 酸汁伴牛筋 💰68（👅: 8.25/10）

酸汁伴牛筋

牛筋係呢度嘅熱門菜式之一，沿用總店嘅方式製作，入口軟嫩腍身，黏身因為滿滿膠質，食落入味，加上酸汁無咁油膩，食落開胃。
-
3️⃣ 權八和風薄餅 💰98（👅: 8/10）

權八和風薄餅

招牌菜式之一，用餃子皮做餅底，餅底夠薄，咬落去外脆內煙韌，入邊係免治雞肉軟骨同埋菇菌，菇夠爽口，食落去有雞肉味同埋芝士味，兩者幾夾，加上辣油食更加惹味。
-
4️⃣ 野菜沙律伴大閘蟹膏醬 💰198（👅: 7.5/10）

野菜沙律伴大閘蟹膏醬

野菜沙律伴大閘蟹膏醬

招牌菜之一，檜木木箱入邊係多款蔬菜，好似有羅馬生菜、日本紅心蘿蔔、紫椰菜、甜椒、車厘茄等，配上上海大閘蟹同日本松葉蟹混合嘅蟹膏醬，食落去香味極濃郁，同新鮮嘅蔬菜形成強烈對比。
-
5️⃣ 炸鮮蟹肉餅 💰138（👅: 8.25/10）

炸鮮蟹肉餅

都係招牌菜之一，用上鮮拆蟹肉，混合左碎牛肉同埋洋蔥粒，外酥脆，內幼滑、creamy，入邊係一絲絲蟹肉，食落係鮮味，不油膩，上面嘅福岡青椒有解膩作用。
-
壽司
1️⃣ 極上三色卷 💰438（👅: 8.25/10）

極上三色卷

極上三色卷

係權八嘅全新菜式，三色卷入邊係北海道馬糞海膽、拖羅腩蓉、三文魚子，上面係金箔同魚子醬，非常足料同高級。海膽creamy，三文魚子帶鹹香味，吞拿魚腩入口滑有魚脂，入邊仲有爽口嘅蔬菜，整體食落去油脂豐盈帶鹹香，非常滿足。
-
炭燒
1️⃣ 蔥鹽牛舌 💰78（👅: 9/10）

因為日本牛舌唔可以出口，呢度用上美國牛舌，牛舌算係厚切，有小小厚度，入口juicy，咬落厚實彈牙，加上特調蔥鹽醬汁，食落去香濃惹味，齒頰留香，係近排食過最好食嘅牛舌。
-
2️⃣ 蘆筍豚肉卷 💰68（👅: 8.25/10）

蘆筍豚肉卷

豚肉片夠薄，咬落juicy爽嫩，食落豚肉味較突出，加上蘆荀既鮮嫩。
-
3️⃣ 杏鮑菇 💰48（👅: 8.25/10）
杏鮑菇咬落juciy，質地厚實，食落有焦香。
-
4️⃣ 炭燒大蔥吞拿魚腦天（👅: 8/10）
腦天入口軟嫩，食落魚味濃郁，大葱食落清甜。
-
5️⃣ 雞翼 💰48（👅: 8/10）

雞翼用上本地三黃雞，入口肉嫩，食落鹽味突出帶焦香。
-
6️⃣ 免治雞肉軟骨棒 💰78（👅: 8.5/10）

免治雞肉軟骨棒

雞肉棒用上雞髀肉、雞胸肉同埋雞軟骨，入口有好多軟骨，口感爽脆，雞肉小小軟嫩，食落有炭香，加上宮崎生蛋汁，入口更滑，食落更加香甜。
-
鍋物
1️⃣ A5 和牛壽喜燒 💰498（👅: 8.25/10）

A5 和牛壽喜燒

A5 和牛壽喜燒

壽喜燒用上A5和牛，望落色澤粉嫩，入口軟嫩，用秘製壽喜燒醬油烹煮，鹹甜有致，食落油脂豐腴，加上蛋黃入口更滑溜，蛋黃同醬汁結合後更甘甜。配料仲有豆腐、冬菇、金菇、京蔥、葛粉，索左湯汁後更入味。
-
食事
1️⃣ 權八手打冷蕎麥麵 💰118（👅: 8.25/10）

權八手打冷蕎麥麵

權八手打冷蕎麥麵

蕎麥麵可以話係呢度嘅主打，因為可以睇到師傅每日製作嘅過程，秘製醬汁用上厚鰹魚、鰹魚花、青魚乾調製。麵條用上北海道石狩沼田頂級蕎麥打磨成粉，入口幼滑，咬落彈牙，加上大蔥同青芥末、秘製醬汁一齊食，食落有蕎麥香。
-
甘味
1️⃣ 十勝紅豆綠茶雪糕最中餅 💰88（👅: 8.25/10）

十勝紅豆綠茶雪糕最中餅

甜品以最中餅作結，紅豆同綠茶不嬲都係絕配，呢度用自家若竹綠茶製成雪糕，加上慢煮嘅十勝紅豆，最中餅咬落薄脆，綠茶香醇不澀，紅豆軟而香甜，整體食落去唔甜。
-
🥂 十四代角新中取無濾過生酒特別純米 1.8L 💰2988 （👅: 9.25/10）

十四代角新中取無濾過生酒特別純米 1.8L

14代應該係平民版清酒嘅天花板，之前我嘅日本酒第一朝日鷹係出自同一個酒廠，所以14代一定比朝日鷹更加好飲。呢支可以話係14代嘅入門版，開瓶後會聞到有哈密瓜香味，入口微微甘口帶酸感，果香十足，尾韻帶有小小花果香。配日本料理非常適合。非常易入口，唔鍾意日本酒嘅人都應該飲到。
-
🥂 Fuji Mountain 💰108（👅: 8.5/10）

Cocktail用上日本酒、vodka、富士蘋果汁同百香果汁，飲落去酒味同埋果味一樣突出，夠平衡，易入口。
-
🌟整體係一間飲酒一流嘅居酒屋，因為餐廳提供嘅日本酒夠高質，如果鍾意日本酒嘅絕對值得一試，今次試咗店舖好多招牌同埋熱門菜式，最鍾意嘅係牛舌，算啦有香港食過最好食之一，蕎麥麵貴為餐廳主打，喺香港都算係出色之作。

因為餐廳慶祝新店搬遷，所以3月31日之前部份菜式仲可以有半價享用嘅優惠，好似炸蟹餅、串燒拼盤等，鍾意居酒屋嘅你可以趁機一試。
-
👅味道: 9/10
🍴環境: 7.5/10
💰消費: $400-800pp (服務費: 10%)

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐日期

2023-02-09

用餐途徑

堂食

人均消費

$800 (晚餐)

推介美食