更多
2024-03-22
1010 瀏覽
去開花展,順便喺附近搵食。🔥呢間燒肉放題就喺維園隔離,日系裝修簡約雅致,半開放嘅座位入面仲可以從高處望到成個維園𠻹,個景真係好開揚好靚,而且2個人都可以坐,又大又舒服,私穩度極高!另外仲有包廂提供,好啱多人聚會!食物方面走高質路線,除咗引入原隻得獎櫻花牛,可以食到各款稀有部位外,其他嘅食材都係日本時令食材,有鹿兒島黑豚、熊本地雞同蔬菜等。🤤今次我哋揀咗A5宮崎牛特上放題,$698/位可以食到6款包括宮崎牛,肩里肌、肩口肉、牛肋肉、內後腿肉、外後腿肉同五花腩。其後可以無限追加外後腿肉同五花腩,仲有超過60款豬、雞、海鮮、野菜、小食同甜品等。😋整體下今次食嘅每樣都好,完全無伏!🥰想食好啲,比貴少少都係值嘅!必點推介:🐂和牛五花腩牛五花油脂均勻,肉質嫩滑,甘香軟腍!今次主力食咗好多片呢!🥟和牛黑松露餃子餃子皮薄,煎到脆卜卜,餡料飽滿又惹味,和牛同黑松露好夾!🍤雜錦天婦羅天婦羅多款野菜同蝦,炸粉薄而香脆,野菜都好新鮮,而且唔會炸得太乾,最like南瓜同菇!🦀松葉蟹肉沙律撻沙律撻有滿滿松葉蟹肉,加埋甜甜嘅沙律醬,好清新開胃!🍮自家製奶凍甜品柚子雪葩同桃味雪糕等幾款都好食,但最鍾意係奶凍,又香又滑
食物方面走高質路線,除咗引入原隻得獎櫻花牛,可以食到各款稀有部位外,其他嘅食材都係日本時令食材,有鹿兒島黑豚、熊本地雞同蔬菜等。🤤今次我哋揀咗A5宮崎牛特上放題,$698/位可以食到6款包括宮崎牛,肩里肌、肩口肉、牛肋肉、內後腿肉、外後腿肉同五花腩。其後可以無限追加外後腿肉同五花腩,仲有超過60款豬、雞、海鮮、野菜、小食同甜品等。😋整體下今次食嘅每樣都好,完全無伏!🥰想食好啲,比貴少少都係值嘅!
必點推介:
🐂和牛五花腩
牛五花油脂均勻,肉質嫩滑,甘香軟腍!今次主力食咗好多片呢!
🥟和牛黑松露餃子
餃子皮薄,煎到脆卜卜,餡料飽滿又惹味,和牛同黑松露好夾!
🍤雜錦天婦羅
天婦羅多款野菜同蝦,炸粉薄而香脆,野菜都好新鮮,而且唔會炸得太乾,最like南瓜同菇!
🦀松葉蟹肉沙律撻
沙律撻有滿滿松葉蟹肉,加埋甜甜嘅沙律醬,好清新開胃!
🍮自家製奶凍
甜品柚子雪葩同桃味雪糕等幾款都好食,但最鍾意係奶凍,又香又滑,超重奶味,正!
張貼