宮崎肉本舖 (已結業)

星期六見朋友喺戈社交平台 post左相，誠意推介呢間「宮崎肉本舖」，於是趁今日下午放假，餐廳又近我office (在銅鑼灣糖街Sugar+ 5/F)，就約埋同事一齊過嚟食返餐好嘅，奬勵一下自己！餐廳環境開揚，座位寬敞舒適，且設有包廂雅座，適合二人情侶用餐，私隱度到十足，並有落地大玻璃，對住維多利亞公園大草地用餐，未食已先嚟一個視覺嘅滿足享受！放題特選燒肉包括有：肩里肌、肩口肉、牛肋肉、內後腿肉、外後腿肉、五花腩，塊塊肉嘅色澤均勻、紋理清晰、油脂豐富，因為切功夠薄，每塊肉只需每邊燒約8-10秒便可，沾上些少櫻花鹽同芥末，更能帶出和牛嘅鮮味！除咗燒肉之外，放題仲可以任食多達60多款料理食材，當中最具人氣嘅包括有：櫻花蝦蛋黃醬帆立貝、香草牛油廣島蠔 - 廣島蠔非常肥美、肉汁鮮甜！新瀉走地雞、鹿兒島黑豚肉 - 肉質非常滑嫩黑豚芝士腸拼七味雞腎 - 非常入味，留意盛食物的器具也很精緻！海膽蟹肉脆脆米魚湯泡飯、松葉蟹肉茶食飯 - 用料上乘，又有海膽、又有松葉蟹，呢兩碗飯真系冇得輸！溫馨提示：90分鐘放題真喺好快完結，大家記得唔好講太多嘢，打開你嘅五感，靜心品嘗各款食物的珍味呀！