影片
更多
2023-07-01
57 瀏覽
係時代廣場附近耀華街ZING樓上有間高級日式餐廳 U IZAKAYA,以海膽料理為主題的西日Fusion居酒屋.餐廳內裝修設計舒適寬敞,另有露台都有座位俾顧客有多一個選擇.而店員亦好有禮貌,對顧客照顧周到,唔駛叫都會好自動同好快咁過黎加水/換碟.一坐低無幾耐奉上前菜,咁就可以食住野黎等食物上檯。前菜: 一款由紅蘿蔔、青瓜、沙葛切成條狀的蔬菜杯, 配特製緹魚醬, 食落爽脆開胃。生蠔:西班牙 銀堡美國 黃寶石加拿大 Gailiano三款生蠔各有特色, 店員建議食用次序, 咁就可以更易食出各款蠔的獨特味道, 美國同加拿大生蠔較大隻同飽滿, 味道方面, 銀堡較滑, 味道較其餘兩款清淡少少, 黃寶石就較鮮甜肥美。Gailiano就相對較creamy。慢煮雞胸肉凱撒沙律: 雞胸肉好林, 份量足, 沙律菜新鮮爽口, 撈埋沙律醬一齊食清新開胃。新疆風橫隔肌(串) :新疆風味原來係用上孜然粉調味, 好入味又清香, 正!豚肉露筍卷(串): 豚肉卷住露筍, 豚肉唔會太油, 露筍爽口, 整件入口一咬, 露筍多汁平衡到豚肉嘅膩。雞頸肉(串):雞頸肉軟滑得黎又有咬口, 口感佳又惹味, 基本上食一串係唔夠。雞翼(串
係時代廣場附近耀華街ZING樓上有間高級日式餐廳 U IZAKAYA,
以海膽料理為主題的西日Fusion居酒屋.
餐廳內裝修設計舒適寬敞,另有露台都有座位俾顧客有多一個選擇.
而店員亦好有禮貌,對顧客照顧周到,唔駛叫都會好自動同好快咁過黎加水/換碟.
一坐低無幾耐奉上前菜,咁就可以食住野黎等食物上檯。
前菜:
一款由紅蘿蔔、青瓜、沙葛切成條狀的蔬菜杯, 配特製緹魚醬, 食落爽脆開胃。
生蠔:
西班牙 銀堡
美國 黃寶石
加拿大 Gailiano
三款生蠔各有特色, 店員建議食用次序, 咁就可以更易食出各款蠔的獨特味道,
美國同加拿大生蠔較大隻同飽滿, 味道方面, 銀堡較滑, 味道較其餘兩款清淡少少, 黃寶石就較鮮甜肥美。Gailiano就相對較creamy。
慢煮雞胸肉凱撒沙律:
雞胸肉好林, 份量足, 沙律菜新鮮爽口, 撈埋沙律醬一齊食清新開胃。
新疆風橫隔肌(串) :
新疆風味原來係用上孜然粉調味, 好入味又清香, 正!
豚肉露筍卷(串):
豚肉卷住露筍, 豚肉唔會太油, 露筍爽口, 整件入口一咬, 露筍多汁平衡到豚肉嘅膩。
雞頸肉(串):
雞頸肉軟滑得黎又有咬口, 口感佳又惹味, 基本上食一串係唔夠。
雞翼(串):
外皮微脆香口, 燒完都咁嫩, 仲有淡淡適中的海鹽味, 好難抗拒。
日本雪糕:
選擇了紫薯味雪糕, 紫薯味濃, 唔會太甜。
Fruit Body:
由紅莓汁、菠蘿汁、雪碧同紅糖水混合而成, 仲有少量碎果肉粒,飲落似Fruit Punch, 菠蘿味較濃, 鐘意菠蘿味飲品的朋友不要錯過!
張貼
