姚姚酸菜魚 (希慎廣場)

營業中

休息中

YAOYAO 姚姚酸菜魚位置喺希慎廣場高層，裝修行簡約時尚風，枱與枱之間距離非常夠闊，啱晒一班朋友或者一家大細。酸菜魚拼薑母自養番鴨呢款鴛鴦鍋係餐廳嘅重點推介。一邊係招牌酸菜魚，湯底酸酸辣辣，入口特別開胃，酸菜爽脆，唔會過鹹。鱸魚片薄得嚟夠厚實，肉質滑嫩，鮮味十足。另一邊係薑母自養番鴨，味道濃郁但唔過重，薑嘅香氣溫暖又滋補，鴨肉煮得好入味，肉質嫩滑，完全無「鴨騷味」。 香濃麻辣湯米線 (少辣)湯底麻辣香濃，啲香料味好出。豬頸肉肥瘦比例啱啱好，牛柏葉脆爽有咬口，萵筍片同油麥菜吸收咗湯汁嘅精華，非常惹味。 三色冰粉餐廳中央有自助冰粉區，可以自己配搭冰粉。材料有生椰奶、紅糖汁、花生碎、白珍珠、亞麻籽等等。冰粉口感滑溜清甜，作為辣後甜品非常合適。手打檸檬茶酸甜比例好準，檸檬味清新又解膩，仲有啲淡淡嘅茶香。