影片
電話號碼
37431389
營業時間
今日營業
11:30 - 21:45
星期一至日
11:30 - 21:45
公眾假期
11:30 - 21:45
公眾假期前夕
11:30 - 21:45
以上資料只供參考, 請與餐廳確認詳情
今次去到銅鑼灣希慎廣場嘅姚姚酸菜魚，裝修環境同國內嘅姚姚酸菜魚有啲似，但又多咗一份香港嘅時尚感，同尖沙咀分店嘅熱鬧氣氛好唔同～ 感覺呢度都幾舒服，而且店員都好nice，服務周到～今晚本身諗住過去食片皮鴨，點知已經賣晒啦🥲🥲1. 酸菜魚拼薑母自養番鴨 (試食價$338)上網見呢個新出的，絕對係必點之選！酸菜魚湯底酸辣夠味，魚肉魚腥味都偏重，鍾意食魚嘅人就啱晒🤣配埋薑母自養番鴨，鴨肉鮮嫩多汁，而且鴨肉都幾腍，薑味濃郁，真係雙重享受！ 2. 香港油條 ($38)油條炸到金黃酥脆，外脆內軟，用嚟浸住酸菜魚湯嚟食，吸晒啲酸辣湯汁，簡直係人間美味！ 而且佢嘅份量係超大條，同普通粥舖見到嘅油炸鬼唔同size 😋 如圖所示浸住湯食，每一啖都充滿湯汁嘅精華，令人食指大動！ 🤤3. 上湯野菌浸娃娃菜 ($58)由於我哋叫得太濃味，所以就叫個上湯野菌浸娃娃菜清淡啲，平衡一下味蕾。 🥬 娃娃菜浸喺清甜嘅上湯入面，吸收咗野菌嘅鮮味，入口清爽，解膩一流！ 👍4. 白飯 ($18)🍚 白飯就係白飯啦，唔使多講！😂總括而言，銅鑼灣希慎廣場嘅姚姚酸菜魚，無論係環境、服務定係食物質素，都令人非常滿意！如果想食酸菜魚，又想搵個舒服嘅地方，呢度都算係唔錯嘅選擇😂📍姚姚酸菜魚銅鑼灣軒尼詩道500號希慎廣場13樓1301號舖#銅鑼灣美食 #希慎廣場 #姚姚酸菜魚 #酸菜魚 #薑母鴨 #油條 #娃娃菜 #必點 #美味 #舒服 #服務好 #黃怪獸 #黃怪獸覓食 #黃怪獸吃喝玩樂
繼續閱讀
Blingbling美食推介✨📍銅鑼灣🫖 姚姚酸菜魚✨ 内地人氣過江龍東北菜‼💠💠💠💠💠💠💠💠内地人氣過江龍姚姚酸菜魚一定要試下😋 如果你鍾意食片皮鴨同酸菜魚，呢度就可以滿足曬你兩個願望😍 今日黎到銅鑼灣分店試下☺ 座位好多，而且好多卡位，坐得好舒服~ 💠 酸菜魚拼薑母自養番鴨 $338姚姚酸菜魚既酸菜魚出名人人都知~ 酸菜魚拼薑母自養番鴨一次過滿足兩個願望！酸菜魚湯底酸辣開胃，魚肉鮮嫩滑溜，酸菜爽脆入味😍薑母鴨肉質結實又唔會韌，仲好入味添☺️💠 片皮鴨（半隻）$94$94 有半隻片皮鴨真係好抵！而且分量都唔少！鴨皮烤得金黃酥脆，油脂香濃但唔會膩😋鴨肉嫩滑多汁，皮肉之間嘅油脂比例剛剛好，再配埋薄薄嘅餅皮、青瓜絲同甜麵醬，口感層次豐富，味道平衡得恰到好處。每一啖都係享受，絕對係令人食到停唔到口嘅經典美味！💠 涼拌萵筍絲 $58涼拌萵筍絲好清新爽口😋萵筍絲口感脆嫩，酸酸地好開胃！呢幾日天氣回南天，食涼拌舒服曬~~餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5 姚姚酸菜魚 (希慎廣場)📍銅鑼灣軒尼詩道500號希慎廣場13樓1301號舖
繼續閱讀
。O小姐。雞煲+片皮鴨。日常。好耐冇去希慎食飯，原來啲餐廳已經變咗好多😳😳😳😳由於呢大半個月食完西餐嘢，係時候要食返中餐。上網睇吓有啲乜嘢新餐廳裝修又靚又坐得舒服，最後就揀咗喺13樓嘅姚姚酸菜魚😏佢間鋪個裝潢color tone 係Tiffany blue 😄，入門口有架大車，啲位相隔都有啲遠嘅，坐得舒服，呢個好緊要！因為食飯嘅時候，好驚人逼人，想講句嘢都驚大聲嘈到人😳Anyway, 呢間餐廳係食酸菜魚嘅，不過唔想一嚟就咁刺激，不如食咗個雞煲先🫢 見到佢有新嘢出，於是就叫個菌香雞煲三食（$268）：- 半隻菌香雞- 雞湯浸菜- 仲有個白飯添我哋得兩個人，但係個雞煲聲稱話半隻雞，但係都超級多！好足料，有好多隻雞啦，仲有木耳，仲有好多菇！食極都仲有！ 食到有啲漏喉嘅時候就要食吓個菜，中和一下，味道OK。本身驚雞煲好似有啲dry，同步見到佢有半隻片皮鴨優惠🤩只係94蚊！咁就要嗌啦！呢個一定要嗌，必推！ 佢個片皮鴨皮夠脆，全部都係肉，搭配甜面醬、蘿蔔、京蔥同青瓜！佢個皮有超多件😳唔記得咗數有幾多件，但係起碼都應該有八件！呢個真係好抵食！另外，我哋各自加$12升級無限享用自助Bar，當日有兩款前菜，都係啲開胃小食，重點係任揀任砌料嘅涼粉😀（有桂花蜜啦紅豆啦酒釀小丸子啦，仲有好多款料，因應各自喜好，而可以食好多唔同味嘅涼粉🫢除咗涼粉之外，仲叫咗杯爆打青瓜檸檬茶，充滿青瓜味嘅檸檬茶😀最尾最尾重點亦都要推介嘅就係個皮超級脆嘅紅糖糍粑，就算唔係即時食，隔咗陣佢個皮都仲係脆😏今次食完之後，我哋仲要食唔晒，仲要打包返屋企。如果一大班人想食嘢嘅話，我覺得真係可以試一下呢一間餐廳，喺門口仲見到佢出咗個生日包房優惠，傻的嗎，包房仲要送價值 $588嘅優惠，生日壽星送$300嘅現金券同埋一支$288嘅酒😳會唔會太抵呢？仲要只係希慎分店先有😳即刻bookmark，睇吓嚟緊邊個朋友生日先😏
繼續閱讀
姚姚酸菜魚以酸菜魚聞名，多款四川風味菜式，店內以藍白色為主調，裝潢時尚，充滿現代感。酸菜魚拼薑母自養番鴨 試食價 $338一次過可以試晒兩款菜式，份量充裕。酸香的酸菜與鮮甜魚肉，配上湯底微微辛辣，酸香帶辣，魚肉鮮嫩。薑母鴨帶有濃郁香氣，濃郁薑香，以老薑為主調，鴨肉醇厚多汁，膠質豐富。上湯野菌浸娃娃菜 $58湯頭鮮甜，娃娃菜吸收湯汁後更加清甜，娃娃菜口感爽脆。姚姚脆奶 $58外層焦香酥脆，輕咬即碎，內裡滑嫩細膩，奶香濃郁，非常喜歡，是必試的特色甜品。
繼續閱讀
午餐的性價比實在令人驚喜。這裡的招牌菜「酸菜魚拼薑母自養番鴨」色香味俱全，魚片鮮嫩，酸菜的酸味與魚肉的鮮味相得益彰，讓人一口接一口，根本停不下來。而番鴨的肉質則油脂適中，搭配薑母的香氣，增添了豐富的層次感。海味炒湖頭米粉米粉炒得乾香不油膩，搭配新鮮的海鮮，口感鮮美，讓人感受到海的滋味。藤椒無骨鳳爪麻辣的藤椒味道讓人垂涎，肉質軟嫩。自選涼菜四季豆味道蒜香麻辣，香脆爽口。手打檸檬茶酸甜平衡剛好，清爽解膩。低糖紫米豆漿（熱）健康的選擇，紫米的香氣與豆漿的滑順結合。自選冰粉食完麻辣嘢，最好食一碗冰粉解辣，口感豐富入口滑嘟嘟。
繼續閱讀