川川

營業中

休息中

老公返工呢排好辛苦，難得有一日早放工，佢話想好好食一餐，上到銅鑼灣時代廣場見到呢間餐廳，座位坐得好寬敞，除咗有我老公最愛嘅打邊爐，連我最愛嘅日本刺身都有，所以決定一試。我哋整煩惱緊食火鍋乜嘢湯底，店員就話當日仲有一份牛雜鍋，因為係限量，而且好受歡迎，我哋竟然咁好彩食到，鍋底一上枱已經好香，鍋入面有大量嘅牛雜，牛肚牛肺牛腸，真係啱晒我老公呢個牛雜愛好者。而我哋亦一於豪一豪佢，叫咗兩碟騸牯牛肉，挽手牛肉只需要滾十秒左右，好多油脂，一啖食入口驚為天人，超級好食，牛肉好滑入口即溶，正！另外叫咗吊龍比較有口感，牛味十分濃郁，真係好味道到有幸福嘅感覺。除咗火鍋食牛肉，佢哋嘅手打丸亦都做得好出色，每一粒都超級彈牙，真係好好食一定要試。另外餃子亦都好足料，皮薄餡靚食到大大粒蝦肉。最鍾意呢度除咗可以食火鍋，仲可以食川菜，連我最愛嘅日本刺身都有，我就忍唔住叫咗碟海鮮刺身，全部由日本直送，超級肥美，好鮮甜食到停唔到口，真係好耐冇食過咁高質嘅火鍋店，雖然價錢偏高，但係食物質素亦都好高，所以其實我覺得價錢係合理，下次我都會再嚟試埋其他嘢食。