茶涮涮 (已結業)

最近因為想食榴槤雪糕，所以成日去咗銅鑼灣嗰邊IKEA食榴槤雪糕🤣今日就想系銅鑼灣搵左一個正餐食先，食完之後先去再食雪糕😝朋友帶咗我去海灣大廈入面一間叫茶涮涮的日式火鍋食我哋嘅午餐！我哋兩個人就每人叫咗一個極上和牛盛合套餐。套餐上面佢已經包咗唔同嘅餐點，至於火鍋湯底方邊我就揀咗高山龍井鰹魚昆布湯鍋😝點餐後好快店員就幫我哋上咗蟹肉沙律，同埋刺身盛合🍽仲有活蠔！套餐仲有唔同款式嘅和牛會跟埋火鍋一齊上🥢澳洲A5和牛、鹿兒島M5和牛肉眼同埋澳洲全血和牛上枱後我哋急不及待即刻涮黎食，最深印象係鹿兒島M5和牛肉眼😍😍牛味香濃得來又有咬口！🐄配埋高山龍井鰹魚昆布湯鍋涮黎食，鰹魚昆布湯更加能夠吊出牛肉嘅香味🥢之後上埋海老丸同海賊丸配上紫蘇梅麵一齊食，飽哂！食到最後我哋先發現原來仲有甜品🍮飽到可以唔使去食雪糕啦