潮林園滷味大王

營業中

休息中

放工嚟到呢間街坊小店，真係有啲驚喜。叫咗三樣嘢食：沙薑雞飯、鵝肉飯同埋韭菜豬紅，每樣嘢食都好有水準😎沙薑雞飯🐔✨雞肉份量勁多，肉質幾滑，熟度剛剛好，淡淡沙薑香，唔會搶味，再加埋蔥油真係絕配！✨下面有滷水豆腐鋪底，滿滿滷水味，豆腐水潤嫩滑✨配埋潮州酸菜，夠晒解膩！鵝肉飯✨嚟潮州鋪當然要食滷水鵝！鵝肉肥瘦適中，肉質嫩滑，啖啖都充滿肉香，配埋個醋，一酸一鹹，非常惹味✨鋪底同樣有豆腐同酸菜✨飯嘅份量好多，多到食唔晒。韭菜豬紅✨韭菜新鮮爽脆，豬紅夠滑夠香，冇腥味，老闆話係招牌菜！.總括嚟講，呢餐真係物超所值，食得開心又滿足，下次一定會再嚟，順便試埋佢其他招牌菜！