Hungry Monkey (金朝陽中心二期 - Midtown) (已結業)

前幾日突然好想食鐵板燒，就同朋友去左銅鑼灣呢間Hungry Monkey食Dinner。呢到可以坐吧台一路食一路望住師傅燒野食，幾有氣氛。番茄蒜子沙律 $28呢個沙律食落好清新好開胃，番茄好新鮮，幾清甜，配埋少少蒜子同埋蔥喺面，好香，值得一試。芥末紫蘇章魚 $68章魚好彈牙，芥末味唔會太嗆口，有淡淡嘅紫蘇香氣。聖子 $98師傅即席喺我地面前燒嘅，聖子已經切粒，食用好方便，加入蒜粒同埋蔥炒得好香，食得好惹味。聖子食得出好新鮮好彈牙。日本章魚御好燒 $128味道有啲似章魚小丸子，不過表面好香脆，外脆內軟，入面仲有好多彈牙嘅章魚粒。表面有好多木魚碎，賣相幾靚。桃味梳打 $38叫左一支桃味梳打，飲落好香桃味，而且唔算甜，幾好。呢間鐵板燒都唔錯，價錢合理，可以下次再食。