龍糖坊

營業中

休息中

銅鑼灣最近有新搞作！龍點心開咗間龍糖坊手工糖水，聽到已經忍唔住即刻去試！糖水之外，佢哋仲有能量午餐。$68幫你計好300卡路里，菜、肉、糖水樣樣有，唔驚肥。今次我揀咗淮山排骨，淮山滋補、排骨燉得軟腍入味，食完真係元氣滿滿。仲有腐竹薏米蓮子糖水，入口滑溜，甜度啱啱好，清潤得連夏天嘅暑氣都一掃而空。最驚喜係佢哋嘅「一盤大滿足」盲盒版，簡直係選擇困難朋友嘅福音！一打開，有10年陳皮蓮子紅豆沙、招牌蛋白杏仁茶、芒果河粉同桑寄生蓮子蛋糖水，款款都係心思之作。陳皮紅豆沙濃郁香甜，帶點陳皮嘅甘香，好有層次；蛋白杏仁茶香滑到不得了，啖啖都係幸福；芒果河粉酸甜開胃，河粉爽彈好特別；桑寄生糖水清甜養生，飲完好似幫身體充咗電。配杯拿鐵，咖啡香同甜品超夾，整個體驗好似開party咁滿足！環境乾淨又舒服，撞正姜濤生日月，全店滿佈姜濤靚相同裝飾，姜粉坐低真係唔想走。龍糖坊真係將傳統糖水玩出新花樣，值得試下！