影片
更多
2023-06-06
72 瀏覽
之前食過”No Money So Lonely”, 覺得佢地嘅泰國fusion 菜好特別同埋餐牌啲名好盞鬼😜最近佢地係銅鑼灣開左間分店叫”The Old Book Store”, 同樣都係創意亞洲fusion 菜😉一入間舖已經覺得啲裝修，甚至連餐具都好有特色，真係玩味性十足🤩佢嘅fusion 菜包括有pasta, pizza, salad, 飯同snack, 當然仲有咖啡同甜品，每一款食物都好高質，睇得出好有心思，食完第一次忍唔住要encore!!!😎😎😎🔻🔸青檸凍的蜆 $108好推薦呢個小食，每一隻蜆都好大隻，而且味道非常好，酸酸甜甜咁，又食到佢嘅鮮味，凍食一流，好開胃😙🔻🔹蟹肉抹茶白咖哩米通 $118呢個米通都好特別，平時咖哩多數配麵包，但原來配呢啲米通都一樣好食，好中意塊米通嘅口感，側邊有個碟仔裝住啲蟹肉同咖哩汁，份量夠曬，咖哩味夠濃😍🔻🔸椰椰麻麻燒牛排 $228牛排燒到好腍，生熟程度適中，一啲都唔靭，底下仲配有薯蓉同配菜，唔會覺得好濟😉🔻🔹日式豬軟骨配失傳已久自家製豬油炒飯 $128呢個飯都好有驚喜🤩原本以為豬油炒飯會好肥膩，但食落又唔覺，只係覺得啲飯好香同埋唔會好乾，啲豬軟骨
🔻
🔸青檸凍的蜆 $108
好推薦呢個小食，每一隻蜆都好大隻，而且味道非常好，酸酸甜甜咁，又食到佢嘅鮮味，凍食一流，好開胃😙
🔻
🔹蟹肉抹茶白咖哩米通 $118
呢個米通都好特別，平時咖哩多數配麵包，但原來配呢啲米通都一樣好食，好中意塊米通嘅口感，側邊有個碟仔裝住啲蟹肉同咖哩汁，份量夠曬，咖哩味夠濃😍
🔻
🔸椰椰麻麻燒牛排 $228
牛排燒到好腍，生熟程度適中，一啲都唔靭，底下仲配有薯蓉同配菜，唔會覺得好濟😉
🔻
🔹日式豬軟骨配失傳已久自家製豬油炒飯 $128
呢個飯都好有驚喜🤩原本以為豬油炒飯會好肥膩，但食落又唔覺，只係覺得啲飯好香同埋唔會好乾，啲豬軟骨又入味又腍，撈埋個飯食一流👍🏽
🔻
🔸開心果奶蓋咖啡 $56
平時飲開嘅奶蓋都係芝士，一見到呢個開心果奶蓋諗都唔諗一定要試🤭結果飲完第一啖真係徹底愛上☺️開心果味極濃，底下咖啡甜度適中，夏天飲極正，必試😋😋😋
🔻
🔹班蘭椰奶咖啡 $52
呢杯我都覺得好特別，班蘭味都夠濃，飲落苦啲但都接受到😌
🔻
🔸巴斯克芝士蛋糕 $58
呢個burnt cheesecake面頭係燒過嘅焦糖，所以食落脆脆地，兩三個人share 啱啱好😉
🔻
🔹有請今日的特別嘉賓 $58-108
呢個係佢地嘅每日精選甜品，次次都唔同，第一次去果時係芒果糯米飯配個mousse cake 係底下，呢個都好正同好特別，因為成個芒果糯米飯嘅話會好濟，但配個mousse 就好啲，同埋估唔到都好match，第二次去就brownie 加個雪糕球咁，當然都好好食😉
🔻
呢間新店地理位置又方便，又有特色，真係好想試曬佢menu所有食物！😊
張貼
