影片
更多
2024-07-16
2206 瀏覽
假日嘅三點三 銅鑼灣嘅呢間茶餐廳門口有條人龍 見到佢咁有人氣 就排埋一份 入去歎返個豐富嘅下午茶😎黑蒜蔥油瑞士汁雞髀撈公仔麵 呢隻瑞士汁雞髀超級大隻 肉質仲非常嫩口 咬開入面仲爆汁呀🐥 底下嘅黑蒜蔥油撈公仔麵唔會太過油膩 仲係我鍾意食嘅爽口公仔麵添呀🍜 呢個常餐仲配嫩滑炒蛋同埋丹麥提子酥 呢度嘅炒蛋真係好香滑 難怪每個嚟到呢度嘅人都會好想試呢個常餐啦🫢 丹麥提子酥就唔係度度有得食 味道方面唔會太甜經典粒粒花生醬西多士呢一個熱辣辣嘅西多係我非常推介嘅茶餐廳美食 喺兩層鬆軟嘅麵包中間有一啲粗粒嘅花生醬 再沾上蛋汁 放入油鍋度炸香🍞 加埋牛油同埋側邊嘅糖漿 一份完美嘅西多士就係咁樣整成😻 大家快啲嚟試吓七味椒鹽炸雞中翼配美式炸薯條另外我哋仲嗌咗份雞翼薯條share 因為下午茶餐嘅關係雞翼只有三隻 落咗啲七味椒鹽好惹味 外脆內軟 三隻有少少唔夠喉😝 側邊嘅薯條係我鍾意嘅粗薯條🍟 仲有少量嘅沙律菜喺側邊菠蘿油另外仲用加配價嗌咗一份菠蘿油 菠蘿包焗到熱辣辣 配埋一大片嘅有鹽牛油🧈 半溶嘅狀態令每一啖都係幸福嘅滋味 呢個係經典嘅港式風味😚飲品朱古力雪山 呢個一定係小朋友嘅最愛 濃郁嘅朱古力底 配上一
黑蒜蔥油瑞士汁雞髀撈公仔麵
呢隻瑞士汁雞髀超級大隻 肉質仲非常嫩口 咬開入面仲爆汁呀🐥 底下嘅黑蒜蔥油撈公仔麵唔會太過油膩 仲係我鍾意食嘅爽口公仔麵添呀🍜 呢個常餐仲配嫩滑炒蛋同埋丹麥提子酥 呢度嘅炒蛋真係好香滑 難怪每個嚟到呢度嘅人都會好想試呢個常餐啦🫢 丹麥提子酥就唔係度度有得食 味道方面唔會太甜
經典粒粒花生醬西多士
呢一個熱辣辣嘅西多係我非常推介嘅茶餐廳美食 喺兩層鬆軟嘅麵包中間有一啲粗粒嘅花生醬 再沾上蛋汁 放入油鍋度炸香🍞 加埋牛油同埋側邊嘅糖漿 一份完美嘅西多士就係咁樣整成😻 大家快啲嚟試吓
七味椒鹽炸雞中翼配美式炸薯條
另外我哋仲嗌咗份雞翼薯條share 因為下午茶餐嘅關係雞翼只有三隻 落咗啲七味椒鹽好惹味 外脆內軟 三隻有少少唔夠喉😝 側邊嘅薯條係我鍾意嘅粗薯條🍟 仲有少量嘅沙律菜喺側邊
菠蘿油
另外仲用加配價嗌咗一份菠蘿油 菠蘿包焗到熱辣辣 配埋一大片嘅有鹽牛油🧈 半溶嘅狀態令每一啖都係幸福嘅滋味 呢個係經典嘅港式風味😚
飲品
朱古力雪山 呢個一定係小朋友嘅最愛 濃郁嘅朱古力底 配上一座好似山丘嘅cream 撈埋一齊個口感好綿密🍫 雪山紅豆冰 呢個紅豆冰嘅椰汁味好香 好適合配西多一齊食 🫘 第三個餐我哋嗌咗經典嘅凍檸茶 酸酸甜甜茶底又唔會好澀 係我最鍾意嘅茶餐廳飲品🍋
呢餐下午茶真係滿足晒我食茶記嘅慾望😍 唔怪得天氣咁熱 都咁多人喺街頭等位食佢啦
張貼
