龍城冰室

營業中

休息中

因為疫情嘅關係其實都好少機會出街食飯，難得今次去到銅鑼灣工作，所以都趁住呢個機會去咗呢間冰室食個晚飯。餐牌內選擇相當之多，基本上你想食咩其實都滿足到你需要。而且整體價錢亦相當大眾化。最後我就叫了皇牌吉列豬扒，單看賣相已經冇得輸，吉列豬扒應該接近有成個頭咁大，相當誇張。當中更可選擇飯、意粉、薯菜，而薯菜就有成個薯蓉同埋翠綠嘅蔬菜。而佢嘅羅宋湯亦相當足料，味道亦很不錯。吉列豬扒火候剛剛好，肉質相當嫩滑。而且份量真係相當多，啖啖肉嘅感覺真係好享受呀。之後食埋佢嘅薯菜同飲埋杯凍檸茶已經飽到上心口，整體呢間餐廳相當抵食，值得再試。