不二江湖菜

營業中

休息中

今日咁啱去登龍街搵嘢食，見到呢間川菜好多人，咁就打算試吓啦，好好彩等咗一陣就入得啦。首先我哋叫咗個酸菜魚，份量好大，而且酸酸嵐嵐咁好開胃，呢度嘅白飯竟然仲係任裝，叫個酸菜魚再食兩碗飯真係好抵。另外我哋仲叫咗麻辣香鍋，揀咗雞翼，牛肉，油麥菜，午餐肉，五花肉。我就認為最值得欣賞嘅係五花肉，因為切得比較薄，非常入到辣椒味，而且肥瘦適中，好適合送飯。呢個口水雞都好值得一讚，雖然我哋叫咗大辣，但係又唔會太辣，而且雞肉非常嫩滑，作為一個涼菜好入味好開胃。因為朋友比較怕辣，所以佢就叫咗兩杯飲品。我試咗一啖，認為呢個桂花茉莉冰茶好出色，桂花茉莉味都好濃，而且無糖，完全唔驚怕肥。