川川

營業中

休息中

今次嚟到銅鑼灣時代廣場，竟然俾我食到咁高質嘅打邊爐！餐廳環境同氣氛都幾舒服，坐位寬敞，整體氣氛好relax，無論同朋友定家人一齊食都好適合🥰🟠湯底：正宗麻辣 x 果香魚湯鴛鴦鍋麻辣湯底香辣濃郁，麻香同辣味平衡得好好，果香魚湯就清甜，我就用嚟淥蔬菜同海鮮！🟡牛肉系列：吊龍、腩頭同厚切牛脷吊龍同腩頭都係高質之選，淥10秒就夠熟，肉質嫩滑多汁，咬落去仲有陣牛肉嘅濃香，唔使點醬已經好好味。牛脷切得夠厚但入口即化，軟腍得黎又夠彈性，食完一塊即刻想再encore！🔵自家製四寶丸同鮮蝦雲吞四寶丸每款都彈口又有咬口，食得出係新鮮手工製作。鮮蝦雲吞夠晒皮薄，內裏嘅蝦肉爽口彈牙。🟣配菜：嫩滑鴨血、炸魚皮同金菇嫩滑鴨血係意想不到咁好味，質地滑嫩似布丁，吸咗湯底嘅味道。炸魚皮香脆可口，淥完湯仲帶點湯汁。金菇就爽脆鮮甜，吸收湯底精華。⚪️精選刺身拼盤日本直送嘅海鮮，超新鮮又厚切，無論係魚生定海膽，質素同新鮮度完全超出預期，係今餐嘅highlight之一！🟤羅漢果茶同酸梅湯羅漢果茶清甜潤喉，飲完麻辣湯底特別舒服。酸梅湯就酸酸甜甜，開胃又消滯。