漁稼

營業中

休息中

今日去接朋友收工話想食酸菜魚走咗去近加路連山道嗰頭附近搵嘢食，最後搵到間食酸菜魚既餐廳。酸菜魚大大盤超份量十足，因為朋友唔食得辣，所以我哋揀咗小辣，酸菜魚入邊有非常多嘅配料包括有芽菜，蓮藕片，酸菜，萵筍金菇等等非常豐富，魚片入口非常滑口而且完全一啲魚骨，加埋酸菜一齊食非常開胃。串燒見人哋串燒食得好過癮忍唔住叫咗幾款嚟試吓，今次我哋就叫咗雞中翼，腩片，同冬菇啲串燒果然真係唔錯，醃得好夠味配上面頭的孜然粉令人食唔停口。冰鎮滑捋捋豆腐叫咗咁多熱嘢嗌咗個冷盤嚟食，冰凍嘅豆腐配上麻辣汁非常過癮。黑糖糍粑面頭啲花生碎食落口感有啲似麻糬咬落外脆煙煙韌韌，點埋黑糖醬非常滋味。