首先個壽喜燒牛肉鍋一上枱已經流晒口水！牛肉雪花紋靚到不得了，輕輕一淖就食得，入口即化嘅口感真係無得頂～湯底甜度剛剛好，唔會太鹹，仲有大量蔬菜、豆腐同粉絲索晒湯汁，飲完成個人暖笠笠，好滿足！
不過全晚最正都係個黑門令煲仔龍蝦汁海鮮煮！原隻龍蝦頭熬出嚟嘅湯底，橙紅色嘅湯汁濃郁到不得了，鮮味爆棚！入面有齊龍蝦、帆立貝、蜆同大蝦，全部海鮮都煮得啱啱好～龍蝦肉爽口彈牙，帆立貝大大粒又鮮甜，最正係個汁撈飯真係無得頂，朋友直頭想成煲汁飲埋！
環境方面幾有日本居酒屋feel，坐得舒服，服務又周到。已經同朋友約定，下次要再嚟試埋其他海鮮鍋～
