影片
更多
2017-06-18
124 瀏覽
每個星期一都係沉重既一日，為左解壓都係出去食下野啦～約左兩個朋友尋尋覓覓咁黎左呢個Bar老實講，第二次再黎既話，無人帶住或者無睇地圖都係唔識點行過黎不過如果叫我黎多一次，我都無任歡迎，因為呢度既職員好親切，而且內在環境裝飾得好靚，令到我呢個打工仔可以係放左工既時候感到放鬆～室內環境枱面餐牌Mojito食物方面生磨芥末青瓜漬$58因為平時食野都比較少叫青瓜漬呢類，今日諗住食得清清地就叫左呢碟，感覺好新鮮，青瓜爽口之餘，芥末吊起左瓜既鮮味，而醬油同芥末既份量都好識分輕重，唔會互相搶對方既味。黑松露日本冷番茄$75首先我要讚一下廚師既刀功，番茄切片係好易切爛，而呢度既番茄片唔單只完整，更加塊塊均勻！番茄又大又新鮮，食落清甜唔帶酸，選材一流；加埋濃郁既黑松露，又係一番新嚐試叫左串燒之後就送左三隻醬黎，分別係：豆瓣醬、梅子醬、柚子醬我個人最鍾意柚子醬，好多外面既柚子醬係會突出柚子既甜味，但呢度既柚子醬會留低柚子獨有既苦澀味，令到我感到好新鮮！但因為呢Ｄ醬都係因人而議，各有各喜好，所以我都係留返俾各位食家自己慢慢嚐試自己既最愛啦！玉子燒$58玉子燒亦都有佢自己既獨特之處，比起其他既日本餐廳，佢較為
老實講，第二次再黎既話，無人帶住或者無睇地圖都係唔識點行過黎
不過如果叫我黎多一次，我都無任歡迎，因為呢度既職員好親切，而且內在環境裝飾得好靚，
令到我呢個打工仔可以係放左工既時候感到放鬆～
室內環境
枱面
餐牌
Mojito食物方面
生磨芥末青瓜漬$58因為平時食野都比較少叫青瓜漬呢類，今日諗住食得清清地就叫左呢碟，感覺好新鮮，
青瓜爽口之餘，芥末吊起左瓜既鮮味，而醬油同芥末既份量都好識分輕重，唔會互相搶對方既味。
黑松露日本冷番茄$75首先我要讚一下廚師既刀功，番茄切片係好易切爛，而呢度既番茄片唔單只完整，更加塊塊均勻！
番茄又大又新鮮，食落清甜唔帶酸，選材一流；加埋濃郁既黑松露，又係一番新嚐試
叫左串燒之後就送左三隻醬黎，分別係：豆瓣醬、梅子醬、柚子醬我個人最鍾意柚子醬，好多外面既柚子醬係會突出柚子既甜味，但呢度既柚子醬會留低柚子獨有既苦澀味，令到我感到好新鮮！但因為呢Ｄ醬都係因人而議，各有各喜好，所以我都係留返俾各位食家自己慢慢嚐試自己既最愛啦！
玉子燒$58玉子燒亦都有佢自己既獨特之處，比起其他既日本餐廳，佢較為軟滑、鬆軟，食落蛋香十足！
燒雞翼$36雞翼外面燒得香脆，而燒既時候都無走哂Ｄ肉汁，食既時候都仲可以食到香嫩既雞肉
牛舌 $48
牛舌既厚度適中，燒汁入味之餘，又十分爽口！
雞軟骨 $30曾經食過一間餐廳既雞軟骨有好濃郁既「雞味」，而果隻雞味都令到我開始對雞軟骨失去信心，
但呢隻雞軟骨亦都好好咁處理到果種「雞味」，十分香口同有咬感
豚角煮（鹿兒島）食之前都上Openrice睇過呢度既食評，好多食家都對呢度既豚角煮大讚特讚，
所以我就打算試下，原來真係咁好食！
首先呢個肉質好鮮嫩，肉同脂肪比較均勻，食落感覺唔到肥膩，入口即溶，而豚肉既肉汁加上燒汁食落口，真係好鮮甜！係真係又「鮮」又「甜」！必點之選！
沖繩燒豬手 $88豬手既肉好冧，外皮微脆，肉味鮮甜，食落真係同外面既餐廳有得比！
油甘魚魚鮫 $148我平時好鍾意食魚既，而呢個魚外皮微脆，而內面保留住魚既肉汁同鮮味，十分嫩滑！
燒豆腐 $32外皮香脆，但燒起黎唔會影響內面豆腐既嫩滑，口感有層次，而豆腐味都唔會好單調。
燒芝士年糕 $28
芝士年糕真係我最鍾意既食物，外層皮薄，而入面既芝士味濃，整體食落唔會太膩，加上趁熱食既時候，可以將芝士輕輕拉出真係好有滿足感
燒粟米 $48
粟米好香甜，而且外表金黃，燒得好平衡，唔會失去左粟米既水份。
燒飯團 $48燒飯團我真係第一次食（可能我真係比較少叫飯團）
呢度分別係明太子、梅子、木魚。口感好新鮮，外面既飯燒過之後都唔會太硬，唔會影響左飯團既味道！
整體黎講，餐廳同食材既質素都十分好，
尤其是細心處理好多日本既食材呢一點真係好值得欣賞，
而且食物都好有創意，
好遺憾今次我無點到佢其他既特色食品，
我下次再黎一定會點返！
張貼
