宮崎肉本舖 (已結業)

今日同朋友喺銅鑼灣行完街，諗住喺附近揾嘢食，經過糖街見到有棟新開嘅食肆大廈叫Sugar+就入咗去，見到入面有間食燒和牛嘅餐廳叫宮崎肉本舖，門口寫住佢d日本宮崎牛攞哂獎，就決定試一試佢個A5宮崎牛放題。餐廳入面好多一個個嘅包箱，幾有privacy，當日都安排咗個窗邊位俾我哋，個景可以望正維園。佢有三個價位嘅餐可以選擇，包括個宮崎A5櫻花牛極上放題 、A5宮崎牛嚴選放題同A5宮崎牛特上放題。我地揀咗呢個A5宮崎牛特上放題，會先上咗一碟6款A5宮崎牛嘅唔同部位，包括肩里肌、肩口肉、牛肋肉、內後腿肉、外後腿肉同五花腩，每一件宮崎和牛嘅油脂分布都好平均，內後腿肉同外後腿肉係偏薄身得嚟又重牛味，肩口肉同五花腩就偏厚身又有口感，肩里肌同牛肋肉係偏油脂味重而咬落去有陣陣嘅油香，不過要注意，呢個餐只有外後腿肉同五花腩係任叫，其餘四款只會上一次。呢個套餐另外仲有超過60款日本食材同飲品，例如日本黑豚、雞肉、沙律、飯團、小食、甜品等等。我哋嗌咗胡麻豆腐菠菜沙律、和風蕃茄同松葉蟹肉沙律撻做前菜，食落酸甜清新得嚟又幾開胃；日式醬燒茄子、吉列廣島蠔、自家製九州和牛黑松露餃子同明太子釀手羽小食，種類繁多得嚟又有特色