酒津

營業中

休息中

和朋友慶祝生日，見呢間食評不錯，便來試試。佈置以鬼太郎為主題，幾特色及可愛。自家製梅酒香濃，配埋可愛的小熊冰，令人愛不釋手，飲到停唔到口。火炙A4和牛壽司職員在面前為我們燒和牛，輕炙過的和牛油花均勻，入口細膩。加入少許嘅醬油和山葵，超正。刺身： 海膽、帶子，新鮮肥美，花形wasabi 很特色，很有心思，抵讚。串燒：牛舌牛舌厚切，肉味厚又多汁免治雞肉棒外脆內軟，一口咬下去便吃到口感爽脆的免治雞肉，蘸埋蛋黃後更是柔潤可口，好好味道。燒雞翼及秋葵也不錯。甲羅燒睇住蛋汁混和嘅蟹肉喺爐上慢慢煮熟，配住塊多士食個甲羅燒好正，有好多嘅蟹肉絲同蟹膏，加上蟹籽、香蔥同蛋汁很惹味。鯛魚燒伴雪糕鯛魚燒有熱脆外皮，內有紅豆餡鯛，夾著冰涼嘅香草雪糕，又冷又熱幾正，加埋紅豆醬油更香及有口感。日本鮮奶布甸，造型可愛，鮮奶味香濃，口感順滑，賣相同味道都一流。環境、服務到食物都做到很好，食嘢打卡聚會都啱，性價比也高，會再訪。