老北京 (渣甸中心)

營業中

休息中

前排聽朋友推介，試咗銅鑼灣一間樓上餐廳食北京菜，估唔到幾有驚喜。先嚟萵筍炒木耳，夠哂清新爽口，好健康嘅同時有淡淡嘅麻油香，食得好滋味。東華門羊肉串，比平時食到嘅羊肉串辣，加埋啲孜然粉調味，羊肉好肥美，烤到邊啲位都好香口。不過最令人期待嘅當然係北京烤鴨啦！鴨肉豐腴，鴨皮又脆又香口。包埋青瓜、蔥同醬汁一齊食，就唔會覺得膩。最後試咗炸芝麻湯圓，外面有一粒粒烤脆咗嘅芝麻包住，每啖都聞到好濃芝麻香，而且既煙韌又有口感。餐廳仲有菊花可以飲，好啱擔心夜晚飲茶會瞓唔著嘅人。