影片
更多
2023-07-13
202 瀏覽
之前食過幾次都係太古分店食，自助形式都幾唔錯，今日嚟到銅鑼灣再試一試。食物嘅質素係冇問題，不過服務同埋上餐速度有待改善。我哋叫咗炸雞，過咗半個鐘嘅時候催佢話漏咗單，唔緊要，我哋都有耐性等咗一個鐘，見到周圍嘅人都食晒炸雞，我哋嗰碟炸雞都未到，我再同侍應講，佢話俾多5分鐘內就會出餐， 如果唔係就cancel ❓❓OK冇問題我哋俾盡耐性，體諒餐廳忙碌都等咗5分鐘。之後炸雞都係未嚟，唔知之前同侍應講嘅時候係咪太友善，有少少欺善怕惡嘅感覺，冇理由我想食炸雞等咗一個鐘頭最後取消乜都冇😅之後就加重左語氣同佢哋講，點解你哋出錯餐，俾咗兩次機會你哋，個雞都係未到，佢就話要同manager傾吓先，最後道歉亦比左折扣我哋😊如果manager唔係咁有誠意同我哋道歉嘅話，我諗真係會比差評，但都盡咗力去補救就算啦。真係唔理解，點解要啲客發惡先去補救，如果唔鬧佢哋，係咪就爭取唔到本身想食炸雞嘅權益？🙃🍴 巴馬火腿卡邦尼年糕 $98 另收加一 (8/10)有巴馬火腿，生蛋黃，年糕，煙肉碎，食落去好香濃嘅忌廉味，帶少少煙肉鹹香，年糕非常煙靭，係長條型嘅，食落去有少少似面條，生蛋王增加咗香味，巴馬火腿一啲都唔鹹，口感好軟
我哋叫咗炸雞，過咗半個鐘嘅時候催佢話漏咗單，唔緊要，我哋都有耐性等咗一個鐘，見到周圍嘅人都食晒炸雞，我哋嗰碟炸雞都未到，我再同侍應講，佢話俾多5分鐘內就會出餐， 如果唔係就cancel ❓❓
OK冇問題我哋俾盡耐性，體諒餐廳忙碌都等咗5分鐘。之後炸雞都係未嚟，唔知之前同侍應講嘅時候係咪太友善，有少少欺善怕惡嘅感覺，冇理由我想食炸雞等咗一個鐘頭最後取消乜都冇😅
之後就加重左語氣同佢哋講，點解你哋出錯餐，俾咗兩次機會你哋，個雞都係未到，佢就話要同manager傾吓先，最後道歉亦比左折扣我哋😊
如果manager唔係咁有誠意同我哋道歉嘅話，我諗真係會比差評，但都盡咗力去補救就算啦。真係唔理解，點解要啲客發惡先去補救，如果唔鬧佢哋，係咪就爭取唔到本身想食炸雞嘅權益？🙃
🍴 巴馬火腿卡邦尼年糕 $98 另收加一 (8/10)
有巴馬火腿，生蛋黃，年糕，煙肉碎，食落去好香濃嘅忌廉味，帶少少煙肉鹹香，年糕非常煙靭，係長條型嘅，食落去有少少似面條，生蛋王增加咗香味，巴馬火腿一啲都唔鹹，口感好軟腍，係幾好食嘅，兩個人share啱啱好！
🍴無骨炸雞 一份 蜜糖/柑橘 $208 另收加一 (7.5/10)
名有七件，外脆內軟，不過就凍咗少少，有啲炸雞根本就唔脆❓❓(點解整咗咁耐都唔出餐呢
外面包裹住甜甜嘅蜜糖，幾香甜，另一個柑橘就酸酸地幾開胃，肉質都算幾嫩滑，有肉汁幾好食，薯條香脆有薯味，年糕好煙銀！
☕️焦糖脆脆鮮奶咖啡 $48 另收加一 (8/10)
焦糖味好香濃好出，唔會好甜，咖啡味道好香，唔會好苦！要快啲食焦糖脆脆，如果唔係會融。
推薦指數: 7/10
嘢食嘅味道係冇問題嘅，都有非常多人排隊嚟食，只係送餐速度比較慢，令到今次發生咗唔太愉快嘅事件，希望餐廳可以改善。
張貼
