Hungry Monkey (金朝陽中心二期 - Midtown)

營業中

休息中

約咗舊同事聚下，佢提議去登龍街Hungry Monkey，餐廳裝潢時尚又有日式居酒屋氣氛，嚴選最新鮮最高級的食材，再透過高超廚藝用心烹調，而且價錢又唔貴。比目魚沙律：比目魚切成一片片，經過簡單炙燒後魚油滲出表面，閃令令地散發著香氣 ，入口即溶，下面清爽的沙律味道酸甜，解膩開胃！墨魚鬚炒得乾身有鑊氣 ，入口彈牙，加上炸蓉，味道極之惹味。唐揚山藥條，山藥條炸過後香脆可口，點些沙律醬更美味。日本炒麵，炒得有鑊氣，而且乾爽不油膩，配菜豐富令食落有多層口感，炒麵如果多返啲就最好！朱古力炸彈即叫即做，外面香脆，內裏藏住流心朱古力，食落味道甜美又有超正口感 ！蘋果梳打味道酸酸甜甜，飲落清涼好味。