Apinara

營業中

休息中

喺金鐘附近返工，間唔中都會去吓Pacific Place食飯。今日放工就去咗Apinara食泰國菜。今次其實都唔係我第一次嚟呢度食飯。第一次嚟係因為見呢度裝修設計都幾大方得體，同同事食lunch一定唔失禮。不過令我多次到訪嘅原因當然係佢哋嘅食品質素啦！我最大力推介嘅就係呢個香脆紅咖喱魷魚球。外層炸得香脆，真係會食到一粒粒嘅魷魚，紅咖喱味道香濃，配上適量嘅香草令到佢又唔會好膩。我每次嚟都一定會叫呢道菜。由於我非常鍾意食泰式生蝦同泰式炒金邊粉嘅關係，我每次食泰國菜都一定會叫呢兩道菜。喺Apinara都當然唔例外，而佢哋亦都冇令我失望🤤最後當然唔少得芒果糯米飯。芒果生熟程度啱啱好，配上軟糯嘅糯米飯同椰漿，為呢餐好食嘅泰國菜畫上句號。