Apinara

營業中

休息中

中午約咗朋友食lunch，見到呢間太古廣場嘅人氣泰國餐廳 ，門面又靚又多人食，就入黎試一試🤗。中午set lunch 都幾吸引，一個餐有齊湯、沙律 、小食、甜品、主菜同飲品， 係幾豐富嘅🤓。 最後揀咗餐牌上面每日限量嘅兩個餐。 ❤ 泰式牛肉船麵船麵超大碗，入面有三塊好厚嘅牛展、三粒大牛丸同埋一啲牛肉片。我覺得牛丸最好味😋，厚實有纖維感 ，另外湯底亦都好濃郁😌，麵嘅份量好多好飽肚。 ❤ 泰式海南雞飯好大碟雞油飯 ，入口油香十足但唔油膩☺️。 一碟海南雞飯入面有齊雞翼、雞髀同埋雞胸，唔使揀部位 😝，肉質新鮮入味，雞皮爽滑。 ❤ 泰式椰子雞湯雞湯有好濃郁嘅椰香味，雞肉嫩滑，而且有好多草菇同埋香茅調味，少少甜辣味，好開胃👍。 ❤ 炸春卷跟餐小食係一條素菜炸春卷，有埋泰式辣醬，熱辣辣脆卜卜咁樣🥰，味道唔錯。 ❤ 甜品玫瑰花造型甜品好靚🌹，其實係大菜糕入面有粒粒椰子肉，清甜又好有咬口🤩。