同friend嚟到旺角金西南，餐廳用QR CODE電子落單，撳幾撳就搞掂，又快又準，唔使嗌餐嗌到喉嚨痛，抵讚！
我哋試勻兩種食法：
▪️熱撈米線 (BB辣)：麵質爽滑，掛汁力強！金獎腩肉絕對係靈魂，醃到超級入味，肥瘦勻循，魚腐同黑木耳吸盡微辣醬汁，好惹味！
▪️凍撈米線 (小辣)：炎熱天氣食真係一流！涼爽口感特別開胃，滷水豬肚爽口，蘿蔔清甜無渣。朋友揀走酸菜同芫荽嘅設定，禁制搞掂！
🍢 小食多籮籮：港式創意爆燈
▪️爆汁椒鹽炸雞球：外脆內嫩，真係有肉汁爆出嚟！
▪️椒鹽炸魚蛋：將街邊小食升級，椒鹽鹹香十足，送酒一流。
其他如炸燒賣、炸皮蛋腐卜都好有創意，充滿港式風味，下次我一定要再試埋！
▪️部分炸小食略為油膩，建議搭配烏龍茶或蘇打水解膩。
想食得清嘅，叫手撕雞同菜心都係個唔錯嘅選擇
總結：
上菜速度快，米線同小食性價比相當高，由傳統湯米線到創新凍撈都有，加上電子落單方便快捷，絕對會再encore！
📍分店地址
- 旺角花園街3-5號鴻威大廈9號舖
- 銅鑼灣登龍街41-51號金龍大廈D號舖
