成日喺搵食，今次揀咗呢間街坊小店，主打潮州風味，價錢親民，啱晒三五知己或一家大細聚餐，平日夜晚都非常熱鬧。最抵係食滿$300只需加$8，就可以加個韭菜豬紅或雜錦拼盤！
🍽️ 今次我哋兩個人點咗三味菜式：
🥩蜜椒脆皮薯仔牛仔粒 $148
牛仔粒煎得啱啱好，肉質嫩滑，配上外脆內軟嘅蜜椒薯仔，蜜糖汁香甜惹味，好食到停唔到口！
🌶️尖椒豬大腸 $108
原本想試招牌炸大腸，點知店員落錯單咗變咗尖椒版。不過呢個我地都食，豬大腸處理得好乾淨，冇腥味，尖椒大多數唔辣，但間中會有一兩條辣到飛起，食嘅時候要小心啲！
🦐豉油王海蝦 $168
海蝦新鮮彈牙，大小適中，豉油醬汁鹹香得剛好，好惹味，食到要啜埋手指呀！
