紅茶冰室

營業中

休息中

下午茶叫左炸雞翼配沙律，但雞翼唔熟入面仲係好紅，好聲好氣叫侍應可唔可以再整熟d，但佢就一尾話雪藏雞翼係咁, 廚房都冇問過就拒絕翻熱，叫我就咁食冇問題, 我問佢如果我食到肚痛係唔係你負責，但佢都係連入一入廚房問下都冇，都係話雪藏野係咁。我唔想浪費食物唯有打包番屋企……老實講，廚房忙得濟有時炸唔熟d野唔緊要，follow up得好d嘅都唔追究，但侍應態度惡劣唔認錯就有問題。或者間野多遊客加持唔驚冇客人，但亦就係e間係其中一間代表香港嘅茶餐廳，所以希望可以改善下d服務，唔好丟香港臉。