影片
更多
2020-09-16
2232 瀏覽
以前我係「金記冰室」嘅常客，但講緊佢仲喺德輔道西有店嘅時候，即係OK多年前😳。反而佢喺其他地方插旗之後，我就無咩幫襯過。星期六同呀媽近近哋去咗觀塘APM行街，佢見金記啲嘢食幾啱口味，所以就決定幫襯。可能由於係星期六下午茶時段嘅關係，我哋三點鐘去到要等位，但好彩都係等咗大約十五分鐘。有個好似係男經理嘅人負責安排入座，成件事順暢好多，連阿呀媽都讚佢落力👍。另外，佢EQ仲好好，有啲客人因為出入餐廳多於一次被要求再量體溫(好合理)，而發脾氣鬧佢，佢都仍然保持心平氣和嘅態度。餐廳環境大致上都唔錯，不過佢本身間舖嘅形狀係長方形，沿走廊而設，所以座位避免唔到都係有啲窄，但可接受😉。餐牌成本書咁厚，花多眼亂，外賣紙相對一目了然，哈哈。有選擇困難症嘅朋友會好煩惱吧😂！餐廳現時採用QR code落單，的確係幾方便，而且點嘢飲有特價嗰啲選項時，一加落購物車就識自動調節，無出錯。咁當然你唔自己落單，店員都好樂意幫你手寫落單。香港人喺電子化生活呢方面真係有啲落後🙈。炸雞髀配迷你西多士($44)，呢個係下午茶餐嚟。我估計餐廳一早諗過呢個組合點擺盤，從而採用呢隻長長嘅碟，有心思！兩樣食物均係🇭🇰香港茶記嘅皇牌。炸雞
可能由於係星期六下午茶時段嘅關係，我哋三點鐘去到要等位，但好彩都係等咗大約十五分鐘。有個好似係男經理嘅人負責安排入座，成件事順暢好多，連阿呀媽都讚佢落力👍。另外，佢EQ仲好好，有啲客人因為出入餐廳多於一次被要求再量體溫(好合理)，而發脾氣鬧佢，佢都仍然保持心平氣和嘅態度。
餐廳環境大致上都唔錯，不過佢本身間舖嘅形狀係長方形，沿走廊而設，所以座位避免唔到都係有啲窄，但可接受😉。
餐牌成本書咁厚，花多眼亂，外賣紙相對一目了然，哈哈。有選擇困難症嘅朋友會好煩惱吧😂！
餐廳現時採用QR code落單，的確係幾方便，而且點嘢飲有特價嗰啲選項時，一加落購物車就識自動調節，無出錯。咁當然你唔自己落單，店員都好樂意幫你手寫落單。香港人喺電子化生活呢方面真係有啲落後🙈。
炸雞髀配迷你西多士
$44
33 瀏覽
0 讚好
0 留言
炸雞髀🍗唔算大隻，不過炸得唔錯，外皮超脆，肉質亦無變柴，但如果調味重手啲會更好食。
迷你西多士雖然話係迷你，但其實都唔太細，份量係平日正方形嘅一半，連埋雞髀食，夠哂飽啦。我幾鍾意佢個西多士喎🥪，因為無落花生醬之餘，又煎得唔油，沾埋煉奶食，好食。
銀芽肉絲金字搭
$68
40 瀏覽
0 讚好
0 留言
銀芽肉絲炒麵除咗個造型霸氣十足外😎，味道亦都好食！但食嘅時候有少少覺得同麵餅搏鬥嘅感覺，因為要將佢慢慢夷平，食到好攰。不過攰都係值得，分開上嘅銀芽肉絲芡汁好足料同夠味🤤，同炒麵好夾。但由於炒麵太大，芡汁多番1/3至1/4就會完美！
羅宋湯(單點$18)，唔知點解突然好想飲就叫咗，味道正正常常，幾多蔬菜料🍅，但就無話好驚艷好飲。熱奶茶係餐飲唔洗加錢，呀媽嗌咗多奶話好香好滑，好好飲，但如果再熱啲就正。
雪山什果冰
$28
17 瀏覽
0 讚好
0 留言
總括嚟講，估唔到咁耐無食金記，佢喺各方面都進步咗唔少，而家有規模好多！價錢同普通街坊茶記差唔多，所以都抵食嘅，最重要係好食😋，上菜又快。呢日嘅用餐體驗讓我相當滿意，因為連呀媽都無投訴😊。
張貼
