潮牛腩

營業中

休息中

早兩日因為搵個cassette deck，於是去左灣仔298商場，可惜無貨買唔到，唯有同為食仔去搵野食，行下行下去左呢間係謝菲道既「潮牛腩」。#咖哩牛腩撈粗麵-咖哩香濃，比較辣，店員介紹咖哩撈落粗麵既話會有化學反應，麵會慢慢變粉紅再轉變成紅色，屬正常情況。牛腩幾厚身，大大舊有豐富牛味，幾腍身。 #牛坑腩河粉-店員介紹牛坑腩會比較瘦，比較爽口，牛腩湯食得出無味精，煲足12個鐘，好甜，如果有埋蘿蔔應該會更加正，牛坑腩切成細細舊，一啖一舊好爽口。#咖哩牛丸-牛丸食到牛肉既纖維，比較貼近牛肉既質感，佢同勝利牛丸唔同，唔會食完成口味精同無肉既感覺。而且好多肉汁😋😋好味