華漢茶餐廳

營業中

休息中

難得聞日放假，瞓到自然醒後就落街食個早餐，落到街行左一陣，醒起有間茶餐廳重新開，於是就要去幫襯下，不過新鋪有d 難搵，唔熟悉觀塘，唔係街坊都要花時間先搵到新鋪位置。去到見到地方闊落左，立即坐我喜愛的卡位，坐低就望見牆上早餐，午餐的餐牌，睇完立即落單，要我喜愛的沙嗲牛肉麵，再加餐肉煎蛋，同埋一杯熱奶茶，唔駛一陣就已經成枱食物，先試下牛肉麵，牛肉有醃過，所以食落除左有沙嗲味，都食到牛肉味，麵就正常，份量都算多，餐肉有煎過下，變得香口，餐肉味更出，食完之後就到杯奶茶，奶茶夠熱，唯一茶味差少少，但都係唔錯，又多個食早餐的好地方。