華漢茶餐廳

營業中

休息中

打電話去叫左外賣才去取餐，電話內一個啊姐態度勁差，只講了一句華漢，然後乜都無問，淨係客人講要啲乜嘢，無重複多次就cut線，然後去到取外賣，態度一樣差，仲要點錯了餐，仲要黑面。

華漢多年來都是在聯安街與恆安街一帶，它只是一間普普通通的茶餐廳，但它比其他茶餐廳特別，特別在於這間茶餐廳已經三、四十年，經過疫情仍然屹立不倒，真是稀有的老字號！一人一份，一式一樣，經典的茶餐煎蛋兩隻，火腿一塊，蛋黃是流心的牛油厚多士，飛邊，烘底，普普通通主角：沙嗲牛肉公仔麵最重要的，都是牛肉麵的牛肉汁，牛肉不太韌，好野味，但比較油，公仔麵剛剛好，不太軟身，好食！雖然味道上跟其他茶餐廳差不多，但我喜歡「華漢」獨有的人情味，是其他地方或別的茶餐廳找不到！

今日搭小巴去觀塘，在宜安街落車，跟住響附近搵嘢食，見到聯安街有間茶餐廳，一於入去食個下午茶餐 。呢間茶餐廳古色古香，全部木櫈裝修。睇下餐牌都有好多選擇。我叫咗個下午茶炒粉麵餐嘅豉椒牛河，跟杯熱菜蜜。熱菜蜜先上，係我飲過最淡嘅熱菜蜜，可以話係熱菜蜜少少甜。跟住上豉椒牛河，由於係下午茶餐嘅關係，份量大概係正常嘅八成。味道方面正常，但係就非常多油，我食食下要打斜隻碟，隔咗啲油繼續食，我見其他枱都係食碟頭飯，不建議在這家茶餐廳吃炒粉麵。 餐廳服務正常，價錢亦合理，46蚊埋單。

坐擁30多年歷史的老牌茶餐廳，餐廳寬敞，樓底極高，牆上還掛了舊店鋪的相片，黑板寫字的餐牌，別有一番懷舊風味！距離晚飯時間尚早，所以店舖比較清閑，晚餐點了特別推介的煲仔菜,仲要熱辣辣，滾住上菜！魚香茄子煲$65 (包白飯 ，例湯）分量十足，魚香味濃，拌飯一流枝竹火腩煲$65 (包白飯 ，例湯）枝竹入味，個汁唔會過鹹，火腩份量好足例湯-菜乾蘿蔔煲豬骨湯啖湯夠清香，有家的味道據說這裏的常餐都不錯，而且撈麵，雲吞麵是以前的主打菜，下次可以不妨一試！

晚市時分只有3枱食客餐牌選擇少只有一個黑口黑面東菇頭造型呀嬸做野慢條斯理整理外賣我睇完餐牌叫了幾聲沒人應想等她整完外賣再下單有一枱食完埋單比錢立刻有反應我再叫一聲只見她用側目回應幫完其他客人後她走去收拾碗碟再走第二轉去拎毛巾抹枱其間叫了幾次也冇回應抹完枱後呀嬸繼續整理外賣沒有幫我下單心想她應該不是聽障的吧或者可能門店已關不再做生意我便主動走上前問是否已經關門只換來黑面側面的高音回應-等多陣啦！再見！已通知身邊朋友不要光臨，謝謝♡

lunch 時間同同事入到去坐低，叫野食同食物都正常，無咩特別。係食完之後，食完一碟野，就收一碟走，呢個待應收完個碟，另一個待應又走埋黎想收碟，不停問呢碟仲要唔要，果碟仲要唔要，我都係明lunch時間係peak hour，食完就交枱，但唔洗咁樣趕客?最離譜係，杯野飲仲有幾啖未飲完，又問我地仲要唔要? 大佬呀，你無眼睇仲未飲完咩? 後尾仲要補多句: "你地都差唔多食完啦?" (PS: 我地坐底到到等D野食黎齊，到食完都半個鐘內)趕客趕到咁，唔會有下次幫襯!!!!!!!!!!!

餐廳內裝修簡單，冷氣足夠，清潔度一般，座椅全部是硬木椅。早餐36元，有多款主菜，例如：沙嗲牛肉、雪菜肉絲、炸菜肉絲、午餐肉及火腿，可配即食麵、米粉、米線、意大利粉或通心粉，配菜亦有多款，例如：午餐肉煎蛋、腸仔煎蛋、紅腸煎蛋、煎雙蛋、雞蛋三文治、火腿三文治、午餐肉三文治、牛油多士及奶油多士等。午餐肉湯通粉只有一片午餐肉，午餐肉被煎得香口且不乾，湯底為淡淡忌廉雞湯。炸菜肉絲湯麵。炸菜份量多，爽口不太咸，配料有青椒和紅蘿荀。豬肉絲味道正常，即食麵被煮得軟硬適中，湯底亦是淡淡忌廉雞湯。煎雞蛋是燶邊荷包蛋，蛋白邊香口，蛋黃流心，很美味。紅腸和腸仔均被煎得香口且不乾，味道正常。熱奶茶帶點苦澀，奶味足夠，我很喜歡喝。熱好立克味道較淡。總結：早餐燶邊荷包蛋美味，其他一般。

好味，但疫情下但兩位樓面姐姐不戴口罩，照舊收銀落單上菜！小菜雖然好味，但暫時唔敢再去了。今日12月2日5:15pm, 刻意行斜路首次來食晚餐。環境古色古香/偏舊，風格似內地團的基本用餐店。牆上手寫餐牌反而好耐没見，感覺有特色。我地兩人點了2 份小菜套餐，分別係京都肉排 $60 同豆腐魚腩煲$62，各自跟1杯熱飲和2個白飯，即係共4 個白飯。肉排份量十足，個甜酸汁好夾，洋蔥絲煮得熟又好味！魚腩煲亦夠穫氣，好啱送飯食！講真好味又份量足，唔錯㗎！ 現場連埋我地，由初初共3人至 6:15pm 走時才，共6個客人，不算忙。樓面共有2 個：起初是一位短髮阿姐，木口木面唔緊要，但她長期把口罩完全退落，掛在她下巴以下😡 她對客人更是視若無睹兼充耳不聞，神情空洞，要叫喚多次才選擇性有反應聽朋友講好多街坊都怕咗呢個姐姐嘅態度。中途再有一位較年輕長髮樓面姐姐，感覺反應正常，但完全不載口罩 (佢如在家中), 係全身全面没有口罩。該兩位姐姐没戴口罩，兼若無其事地去接觸客人落單、上菜，收碟、上餐飲、收銀 ...... 法例規定市民必須戴口罩，客人餐前餐後都戴上口罩。但她們作為餐飲服務，竟妄顧及可能危害公共衛生！

早幾日諗住試呢間茶餐廳果陣俾間燒味舖吸引左臨時轉軚，今日真係黎食佢啦！😂可能因為位於斜路盡頭比較格zip，十點幾去到只有兩檯客，好靜～早餐麵類選擇唔多只有四款，可配搭唔同組合，連飲品$34，正常價錢我叫咗個沙爹牛肉通粉扣底，跟奶油多同熱菜蜜沙爹牛份量正常，醬汁偏稠味道濃郁但完全唔香花生味，口感算滑但唔算出色通粉爽口彈牙👍奶油多搽得算均勻，但唔夠脆口，還可以吧～唯獨飲品熱菜蜜味道勁淡！！我好唔中意飲啲有少少味但又無乜味既野，印象中從來無試過係一間餐廳飲杯咁普通既野飲係會覺得難飲😵😵 um....我諗呢間茶記試過一次就算😅

這間舊式茶餐廳，雖然老字號，但係非常衛生，早餐平靚正，午餐款式多，特別推介煲仔菜，好多茶餐廳，已經做唔到煲仔菜原有味道，但係這一間煲仔菜，色香味俱全，重點推介，魚香茄子煲，咖喱牛筋腩煲，最重要係全冇味精的例湯，本來這間舖頭，另一樣最出位就係雲吞麵，炸醬麵，可惜小人去幫襯食雲吞麵，成本效益問題，老闆娘迫於無奈，已經冇做雲吞麵，這間茶餐廳，如果能夠改善奶茶香濃，咁就一百分💯！

古色古香嘅餐廳，。早餐揀個主食，之後可以選擇配多士類或煎腸蛋/腿蛋。又平，加埋凍飲先$36，仲有細個嘅味道(好難形容，就係新式餐廳冇嘅味😂)。晚餐特別要講，小炒，煲仔菜，先$6x幾蚊一個，抵到爆。仲要好好鑊氣，大排檔嘅味道呀😍😍😍，但平民價錢，我真係好鐘意食。。我常吃嘅，$6x一個餸仲跟兩碗白飯，魚香茄子(煲仔上，食完都仲熱嘅)，中式牛柳(味道一流)，豆腐魚腩(魚勁多)，沙嗲金菇肥牛(煲仔上)。帶朋友黎食次次都話平靚正😂。。有時唔想食中式，我會食扒餐，你估佢唔到有鐵板架，鐵板扒餐呀😂，先$78蚊。自己試下🥳。

本來打算去新飯堂，點知竟然門口貼住休息一天，跟住就過隔離睇吓有冇其他嘢食見到呢間茶餐廳都好似唔錯所以就入咗去，只係等左2分鐘就有位我見佢有蒸飯所以就叫咗個蒸排骨唔錯，夠熱啲肉又唔係梅德德跟住見到隔離同事嗰𠒇黑椒飯都好似好美味咁，忍唔住攞咗佢塊雞扒，同埋塊午餐肉，仲有啲汁😆😆😆呢度嘅黑椒汁都幾好，唔似水流流咁而呢度啲飯嘅硬度，係我鍾意食嗰種幾位同事都話呢間都可以再encore👍🏻👍🏻👍🏻

餐廳內裝修新淨，冷氣加風扇，空氣流通。早餐32元，有四款主菜:火腿、沙嗲牛肉、雪菜肉絲和炸菜肉絲，自選湯麵、米粉、米線、意大利麵或通心粉，配菜可選:雞蛋三文治、火腿三文治、午餐肉三文治、牛油多士、奶油多士、紅腸雞蛋、午餐肉雞蛋、腸仔雞蛋或煎雙蛋，飲品可選奶茶、咖啡、阿華田、好立克、檸檬茶、檸檬水等。沙嗲牛肉味道濃、牛肉爽口，即食麵煮得軟硬適中。煎雞蛋是半熟流心的，很好吃。午餐肉煎得香口不太乾。熱奶茶有點苦澀，奶味不足夠。

對我黎講，觀塘係一個 好似好多好野食 但又無咩野特別好想食既地方。每次要係觀塘食飯都好struggle。呢日灰到要由觀塘行去牛頭角睇下有咩餐廳吸引。係一個完全陌生既環境，見到一間好似幾街坊既茶餐廳，就入咗去。入面既裝潢都幾新，睇返openrice先知原來佢係搬過定裝修過！佢呢到既小菜真係好平，而且街坊小店最好既點係佢會送 兩 碗 飯！真係好好，一碗飯其實唔貴，但佢知道有時有d大食鬼唔夠食而寫埋送多碗飯真係好貼心！【例湯 蕃茄薯仔湯】有例湯呢d基本野啦，薯仔煮到好淋，正常發揮。【通菜牛肉】佢每樣餸都好大碟，正常，好味，送飯一流。【椒鹽魷魚】個粉層粉厚咗少少，除此之外都無咩問題。滿足到我地食呢個餸既心就okay哈哈【知竹牛腩煲】果日突然涼咗d，無羊腩就叫個牛腩暖下胃。煲仔細細但好足料！好多知竹，個汁唔會過鹹，個牛腩都大大塊好滿足，係鞋咗少少。仲有牛筋位 蚊得幾淋，唔錯！總結，呢個價錢，食到咗多野，街坊餐廳黎講質素唔算差，大件又抵食，住附近既街坊想偷懶一日唔煮飯，黎呢到都好啊！

今晚屋企唔煮飯，所以同埋爸媽一起落街食，超初打算去食快餐，但媽媽就建議去食小菜，所以就即時想起街尾的華漢平日晚飯時間，都幾多人幫襯，同埋加上星期三晚跑馬，好彩去到剛剛有個卡位，唔駛等，然後就要左兩個煲仔菜，貪佢有個煲仔可以熱辣辣，晚飯每個小菜會有個例湯，兩個白飯，再最後有杯餐飲，都只係＄56，其實相當抵食，今晚個例湯係蕃茄薯仔，味道普通，不過都好大碗，飲完都已經飽左三分一第一個煲係豆腐班腩，非常足料，有埋薑葱一齊相當夠味，燒肉都好多，而且都已煮得好腍第二煲就要枝竹牛腩煲，牛腩已經炆得好腍，不過都係有點痴牙，但我最鍾意係入面嘅牛筋，完全入晒味，同埋腍到完全唔駛咬，還有個汁用來送飯簡直一流