豚王 (已結業)

突然想食拉面，馬上去了豚王。自問係重口味之人，比起輕盈既一蘭，重口味既豚王更加係我杯茶今日好好彩唔駛等位。我地一行二人叫左《黑王》，《赤王》同《燒叉燒》。順帶一提，今期限定王係黑醋王，有少少fusion甘，都幾吸引。《黑王》同我期待既一樣，好香好濃好滑！《赤王》辣度十足，好辣者必叫！《燒叉燒》呢個有驚喜！係。十。分。好。味。叉燒剛剛燒起，好香好脆。提外話，你叫《黑王》或者《赤王》既話，會有一張餐巾比你的。千祈唔好諗住唔用本來係想比個笑笑的，但食到中途，我地都不約而同地覺得飽飽濟濟，而無左食完豚王好想再食多一碗既感覺。飯後仲覺得好口喝添！總括而言，我地帶住期待入去，接近一百蚊一碗既拉面，都算有質素，對得住價格。但同其他豚王分店比，就遜色左少少喇。所以，今次比個ok先！希望九龍區唯一的豚王分店會有進步，追上其他分店既完美品質喇（可以令人食到最尾都覺得想食多碗）！