天寶閣

營業中

休息中

姥姥在尖沙咀覆診，行路不方便最近唯有此處，又舒適又高檔，最重要好味好食，四人坐六人枱，男侍應幫姥姥拉櫈，輕聲招呼，叫antie,氹得姥姥不知幾開心 上點心，姥姥喜歡食，馬拉糕一籠$78，多數酒店件頭上，一籠上少見，抵食，鬆軟，彈彈，黃糖香氣。 竹碳焗叉燒包$78，外皮脆，叉燒香度高，水準達標。 竹苼鲍魚四寶雞札$48，用碗上，賣相新鲜，粗條鮑魚，姥姥食到，都不會靱 牛肝菌及刺参腸粉$$88，有微微牛肝菌味，我夾2件都食唔到海參，大少食到有，腸粉皮當然滑及軟。 牛肝菌菜肉鍋貼$78，不是我點，所以不知有甚麽饀，只知煎饺大隻，上海皮，略厚才正宗，肉汁嫩。 牛油梨蟹肉批$98，又不是我點，只記得好香蟹肉味，皮一定香脆。 雪菜火鴨絲炆米$268，爽口，不油，濕濕地，好過西九個間。平均樣樣有水準，獅子銀行咭有8折。