煲底海鮮火鍋料理 (已結業)

其實呢間想黎好耐，但我一直以為只有火鍋，點知我朋友話lunch有其他野食唔一定要火鍋。Weekend Lunch人流唔算多，其實大家都可以得閒黎，因為食完覺得唔錯。午餐會跟湯，個湯好入味，而且都好足料好住家飯味，我地每人叫左個午餐，都有配健康菜飯我叫左煲底醉鮑魚，我想講佢地D醉好香好醉，好夠味！因為有時啲餐廳你叫醉乜醉乜但個味其實都唔醉🤭個鮑魚好好味，木耳麻辣麻辣好香好開胃，連嗰蝦都feel到好醉味🤭 呢個下次我會再食🥰玫瑰醉BB乳鴿，同樣佢個最醉味都好入味，夏日炎炎真係好岩冷食醉午餐，而旁邊都一樣有好多木耳。我想講我哋兩個人係食唔晒個乳鴿，好夠飽！