麻辣派對 (瑞生酒店) (已結業)

大陸烤魚出名，不過要北上確實很多時間，其實香港有好多好選擇，例如麻辣派對~~入面估唔到咁靚！好多花花超靚，好有開party感覺。除了西式外，還有中式粵劇風。食辣野當然要點凍飲，這個凍蜜語水果茶 $38，有火龍果、西瓜、香橙等等，還有奇亞籽，清甜解渴。川香豬軟骨酸辣水晶粉 $48份量好大碗，點了BB辣，湯底酸中帶辣，好味。豬軟骨好腍好入味而水晶粉煙韌QQ，好吸湯～不錯。酸菜味江團魚 $168花花盤超美美，份量也是超多，抵食！另加蓮藕 $28、萵筍 $38江團魚肉質好滑，好少骨，有一大條點了BB辣，湯底也是酸中帶點辣，不算辣，下次挑戰小辣。最後糖水是西米紅豆沙，有陳皮甘香，不錯。